आयपीएल 2025: राजस्थान रॉयल्स विरुद्ध रॉयल चॅलेंजर्स बंगळुरू (Rajasthan Royals VS Royal Challengers Bengluru) यांच्यात आयपीएल 2025 चा 28 वा सामना पार पडला. या सामन्यात आरसीबीने 9 विकेटने राजस्थान रॉयल्सवर विजय मिळवला असून यासह विराट कोहलीने (Virat Kohli) आपल्या दमदार परफॉर्मन्सने इतिहास रचला आहे. विराटने या सामन्यात टी 20 क्रिकेटमधील त्याचं 100 वं अर्धशतक ठोकलं असून अशी कामगिरी करणारा तो पहिला भारतीय क्रिकेटर ठरलाय.
जयपूर येथील स्टेडीयमवर रविवारी राजस्थान रॉयल्स विरुद्ध रॉयल चॅलेंजर्स बंगळुरू यांच्यातील सामन्यात आरसीबीने टॉस जिंकून आधी बॉलिंगचा निर्णय घेतला. त्यानंतर राजस्थानने प्रथम फलंदाजी करताना 4 विकेट गमावून 173 धावा केल्या. आरसीबीला विजयासाठी 174 धावांची आवश्यकता असताना विराट कोहलीने 62, फिलिप सॉल्टने 65 आणि देवदत्त पड्डीकलने 40 धावा केल्या. विराट कोहलीने 33 बॉलमध्ये 4 चौकार आणि 2 षटकारांसह 62 धावा केल्या. यासह राजस्थान विरुद्ध विराटने ठोकलेलं हे अर्धशतक विराटच्या टी 20 करिअरमधील 100 वं अर्धशतक होतं. अशी कामगिरी करणारा विराट हा भारताचा पहिला आणि जगातील दुसरा फलंदाज ठरलंय. विराट कोहलीने ऑस्ट्रेलियाचा डेव्हिड वॉर्नर याने सर्वप्रथम टी 20 क्रिकेटमध्ये अर्धशतकाचं शतक करण्याची कामगिरी केली होती. सध्या त्याच्या नावावर टी 20 क्रिकेटमध्ये 108 अर्धशतक करण्याचा रेकॉर्ड आहे.
हेही वाचा : CSK मध्ये ऋतुराजच्या जागेवर खेळणार मुंबईचा खेळाडू? IPL ऑक्शनमध्ये राहिलेला Unsold
109 वेळा केलं अर्धशतक :
विराट कोहलीने आतापर्यंत 405 टी 20 सामने खेळले आहेत. यात त्याने 9 शतके आणि 100 अर्धशतक लगावून 13134 धावा केल्या आहेत. यावेळी त्याची सरासरी 41.50 होती. टी 20 मध्ये सर्वाधिक अर्धशतकाच्या बाबतीत बाबर आझम तिसर्या क्रमांकावर असून त्याने आपल्या करिअरमध्ये 90 अर्धशतक केली आहेत. तर ख्रिस गेल 88 अर्धशतकांसह नंबर चारवर तर जोस बटलर 86 अर्धशतकांसह पाचव्या क्रमांकावर आहे.
त्याच्या सर्व वैभवात
पाठलाग मास्टर विराट कोहली जे काही घेते ते करत आहे आरसीबी ओळीवर
अद्यतने https://t.co/rqky49m8lt#Takelop | आरआरव्हीआरसीबी | आरसीबीटीवीट | इमवकोहली pic.twitter.com/ctgca5wrm6
इंडियनप्रिमियरलीग 13 एप्रिल, 2025
आयपीएलमध्ये सर्वाधिक धावा करणारा फलंदाज :
कोहली हा आयपीएलमध्ये सर्वाधिक धावा करणारा फलंदाज आहे. त्याने स्पर्धेत 8252 धावा केल्या असून आयपीएलमध्ये त्याने सर्वाधिक धावा करण्याच्या बाबतीत शिखर धवन 6769 धावांसह दुसऱ्या क्रमांकावर आहे. विराट आणि शिखर धवन यांच्या धावसंख्येत 1500 धावांचं अंतर आहे.
