.

यावेळी शैलेश पाटील आणि नवनाथ नाईक यांनी महिला बचतगटांच्या आर्थिक सक्षमीकरणासाठी बँकांनी अधिक सहकार्य करण्याची आवश्यकता व्यक्त केली. तसेच, जिल्ह्यातील महिला बचतगटांच्या विविध उत्पादनांना व्यापक बाजारपेठ उपलब्ध करून देण्यासाठी सर्व यंत्रणांनी समन्वयाने कार्य करावे, असे आवाहन त्यांनी केले.

कार्यशाळेचे प्रास्ताविक करताना जिल्हा समन्वय अधिकारी उमेश कहाते यांनी महामंडळाच्या जिल्ह्यातील कामकाजाची माहिती दिली. नवतेजस्विनी महाराष्ट्र ग्रामीण महिला उद्यम विकास प्रकल्पांतर्गत जिल्ह्यातील १४ तालुक्यांतील २४७ गावांमध्ये काम सुरू असून, आतापर्यंत २ हजार ७४४ स्वयंसहाय्यता बचतगटांची स्थापना करण्यात आली आहे. या बचतगटांमध्ये सुमारे २७ हजारांहून अधिक ग्रामीण महिला सहभागी झाल्या आहेत अशी माहिती या कार्यशाळेत देण्यात आली.