औंढा नागनाथ पोलिस ठाण्यांतर्गत अल्पवयीन मुलीस लग्नाचे आमिष दाखवून फुस लाऊन पळवून नेत अत्याचार करणाऱ्या तरुणाला १० वर्ष सश्रम कारावासाच्या शिक्षेचा निर्णय वसमतच्या जिल्हा व सत्र न्यायालयाचे न्यायाधीश आर. आर. हस्तेकर यांनी नुकताच दिला आहे.
?
याबाबत पोलिसांच्या सुत्रांनी दिलेल्या माहितीनुसार, औंढा नागनाथ पोलिस ठाण्यांतर्गत एका गावातील मुलगी ता. १ फेब्रुवारी २०१९ रोजी सकाळी घराबाहेर आली असतांना अजय चौरे या तरुणाने तिला लग्नाचे अमिष दाखवून फुस लाऊन पळवले. त्यानंतर त्या मुलीस दुसऱ्या गावाला नेऊन त्या ठिकाणी अत्याचार केला. सदर प्रकार त्या मुलीच्या कुटुंबीयांना लक्षात आल्यानंतर त्या मुलीच्या आईने औंढा नागनाथ पोलिस ठाण्यात तक्रार दाखल केली. त्यांनी दिलेल्या तक्रारीवरून पोलिसांनी अजय चौरे याच्या विरुध्द पोक्सो कायद्यांतर्गत गुन्हा दाखल केला होता.
औंढा नागनाथ पोलिस ठाण्याचे तत्कालीन उपनिरीक्षक राहुल तायडे यांच्या पथकाने अधिक तपास करून वसमतच्या जिल्हा व सत्र न्यायालयात दोषारोपपत्र सादर केले होते. प्रकरणात एकूण नऊ साक्षीदार तपासण्यात आले. गुन्ह्यातील पिडीत तरुणी हि घटनेच्या वेळी १५ वर्ष पाच महिन्याची असल्याचा मुद्दा न्यायालयात मांडण्यात आला. दोन्ही बाजूंचा युक्तीवाद ऐकल्यानंतर न्यायालयाने आरोपी अजय चौरे यास १० वर्ष सश्रम कारावासाची शिक्षा सुनावली आहे. प्रकरणात सरकार पक्षातर्फे अतिरिक्त जिल्हा सरकारी वकील ॲड. नितीन नायक यांनी काम पाहिले. पैरवी अधिकारी म्हणून एस. एस. जोंधळे यांनी काम पाहिले.
हे ही वाचा…
आडोळ ग्रामपंचायतीचा लाचखोर ग्रामसेवक निलंबित:सीईओ अंजली रमेश यांचे आदेश, 5 हजारांची लाच घेताना केली होती अटक
सेनगाव तालुक्यातील आडोळ ग्रामपंचायतीचा लाचखोर ग्रामसेवकाल निलंबित करण्यात आले असून त्याच्या निलंबनाचे आदेश जिल्हा परिषदेच्या मुख्य कार्यकारी अधिकारी अंजली रमेश यांनी शुक्रवारी ता. २३ काढले आहेत. पूर्ण बातमी वाचा…
