भारताकडून हल्ल्याची शक्यता लक्षात घेऊन, पाकिस्तानी लष्कराने जैश-ए-मोहंमद आणि लष्कर-ए-तोयबा या दहशतवादी संघटनेच्या अतिरेक्यांना नियंत्रण रेषेवरून (एलओसी) दूर जाण्याचे आदेश दिले. हे भाग सामान्यतः काश्मीरमध्ये घुसखोरीसाठी लाँचिंग पॅड मानले जातात. एका अहवालानुसार ही संख्या ३०-५० च्या दरम्यान असू शकते. सैन्याने त्यांना त्यांच्या बंकर आणि सुरक्षित ठिकाणी हलवले आहे.

हे लाँचिंग पॅड दुधनियाल, अथमुकाम, लिपा, फॉरवर्ड कहुटा आणि कोटलीसारख्या भागात आहेत. भारत या तळांना लक्ष्य करू शकतो अशी भीती लष्कराला आहे. दरम्यान, रविवारी रात्री सात तुर्की सी-१३० हर्क्युलिस लष्करी विमाने कराची, इस्लामाबादमध्ये दाखल झाली. यापैकी सहा इस्लामाबाद आणि एक कराचीतील पाकिस्तान हवाई दलाच्या तळ फैसल येथे उतरले. त्यांनी युद्ध साहित्य आणले आहे. पाकिस्तानी सैन्याची अवस्था अशी आहे की त्यांचे अनेक टँक (जसे की अल-खालिद) आणि लढाऊ विमाने (जसे की जेएफ-१७) जुनी आहेत आणि त्यांची क्षमता मर्यादित आहे.

भारताची १६ पाकिस्तानी यूट्यूब चॅनलवर बंदी

भारताने १६ पाकिस्तानी युट्यूब चॅनल्सवर बंदी घातली. त्यांच्यावर प्रक्षोभक, सांप्रदायिक, दिशाभूल करणारी सामग्री पसरवल्याचा आरोप आहे. यामध्ये डॉन न्यूज, समा टीव्ही, जिओ न्यूज, बोल न्यूज आदींचा समावेश आहे.

सुरक्षा माझी जबाबदारी होती : उमर अब्दुल्ला

श्रीनगर|पहलगाम हल्ल्यावर एक दिवसाचे विशेष सत्र झाले. त्यात मुख्यमंत्री ओमर अब्दुल्ला म्हणाले- ‘यजमान म्हणून सुरक्षेची जबाबदारी माझ्यावर होती. या लोकांच्या कुटुंबीयांची मी कशी माफी मागू? माझ्याकडे यासाठी शब्द नाहीत.

पाक घाबरला कारण… कर्जाचा बोजा, हत्यारांसाठी पैसा नाही

पाकची अर्थव्यवस्था गंभीर संकटात. १२५ अब्ज डॉलर्सपेक्षा जास्त कर्ज. लष्करी आधुनिकीकरणावर मर्यादित खर्च. २०२५ मध्ये परकीय चलनसाठा फक्त ६ अब्ज डॉलर्स, जो आयातीसाठी अपुरा. २०२२-२३ मध्ये पाकचे संरक्षण बजेट १,५२३ अब्ज. शस्त्रास्त्र खरेदीसाठी फक्त ४११ अब्ज रुपये खर्च. आधुनिक शस्त्रांसाठी ही रक्कम मर्यादित. उच्च आयात खर्च, परकीय चलन कमतरतेमुळे पाकला स्वस्त, कमी प्रभावी शस्त्रे खरेदी करावी लागतात. चीन हा पाकिस्तानचा सर्वात मोठा शस्त्रास्त्र पुरवठादार आहे. २०१७-२०२१ दरम्यान, ६७% शस्त्रास्त्रे आयात चीनमधून झाली. पाकिस्तानी सैन्यात प्रशिक्षणाचा अभाव आहे. नवीन भरती अनेक वर्षांपासून रखडली आहे.

पहलगाम हल्ल्यानंतर जम्मू आणि काश्मीर प्रशासनाने सर्व ट्रेकिंगवर तत्काळ बंदी घातली. अनेक ट्रेकिंग मार्गांवर अतिरेकी असल्याची भीती सुरक्षा यंत्रणांना आहे. पर्यटक आणि ट्रेकर्सची स्वत:च्या जिवाला धोका निर्माण करतील. शिवाय सुरक्षा कार्यातही अडथळा आणतील. अग्रणी ट्रेकिंग आयोजक इंडिया हाइक्स ११ मे पर्यंत सर्व ट्रेकिंग ट्रिप रद्द करत हिमाचल आणि उत्तराखंडचा पर्याय देत आहे. सरकारने २०२४ मध्ये १०० नवीन ट्रेकिंग ठिकाणे उघडली होती. अमरनाथ यात्रा लवकरच सुरू होईल. येथे आजूबाजूला अनेक प्रमुख ट्रेकिंग मार्ग आहेत. सुरक्षा एजन्सी या भागांचे निर्जंतुकीकरण करण्यात व्यग्र आहेत. जंगले आणि ट्रेकिंग मार्गांमध्ये सखोल शोध घेतला जात आहे.

ती वक्तव्ये… ज्यावर वाद, काँग्रेसला करावी लागली सारवासारव

माजी केंद्रीय मंत्री रविशंकर प्रसाद म्हणाले, सर्वपक्षीय बैठकीत खरगे, राहुल यांनी सरकारला पाठिंबा दिला. तरीही, अनेक काँग्रेस नेते राष्ट्रीय एकात्मतेविरुद्ध अशी बेजबाबदार विधाने करत आहेत. पाकिस्तानी माध्यमांद्वारे भारताच्या बदनामीसाठी याचा वापर केला जात आहे.

सायफुद्दीन विचार, कॉंग्रेस नेते : सिंधू नदी पाकची जीवनरेखा आहे. पाक या हल्ल्यात त्यांचा सहभाग नाही असे म्हणत असेल तर ते आपण मान्य केले पाहिजे.

सिद्धरामाया, कर्नाटक सीएम : आम्ही पाकशी युद्धाच्या बाजूने नाही. कडक सुरक्षा व्यवस्था हवी. नंतर म्हणाले, गरज पडल्यास भारताला युद्ध लढावे लागेल.

रॉबर्ट वाड्रा, काँग्रेस खासदार : सरकार मुस्लिमांना लक्ष्य करत हिंदुत्व विचारांचा प्रचार करत आहे. मग ते म्हणाले- माझे म्हणणे चुकीच्या पद्धतीने घेतले गेले.

काँग्रेस महासचिव जयराम रमेश म्हणाले– नेत्यांची व्यक्तिगत वक्तव्ये पक्षाची भूमिका नाही. अधिकृत पदाधिकाऱ्यांची वक्तव्येच पक्षाची भूमिका सांगतात.

पहलगाम अतिरेकी हल्ल्याबाबत काही काँग्रेस नेत्यांच्या विधानांनी दिवसभर राजकीय वर्तुळात खळबळ उडवली. भाजपने खरगे आणि राहुल गांधींना प्रश्न विचारला की त्यांचे त्यांच्या पक्षाच्या नेत्यांवर नियंत्रण नाही का? पहलगाम हल्ल्यानंतर अनेक काँग्रेस नेत्यांनी अशी विधाने केली आहेत, ज्यावरून असे सिद्ध होते की राष्ट्रीय एकतेचे आवाहन ही केवळ औपचारिकता आहे, असा आरोप भाजपने केला.