पाकिस्तानला धडा शिकवण्याची संधी असताना शस्त्रसंधी का केली? ट्रम्प यांचे एक्स अकाऊंट पहाल तर त्यांच्या सूचनेवरून हिंदुस्थानने युद्धबंदी स्वीकारलेली आहे. आमची माणसं मेली आहेत, आमच्या 26 महिलांचे कुंकू पुसले गेले. त्यामुळे ट्रम्प यांचा संबंध काय? ऑपरेशन
?
दरम्यान संजय राऊत म्हणाले की, हिंदुस्थान हे सार्वभौम, स्वतंत्र राष्ट्र आहे. ट्रम्प सांगतात आणि आम्ही युद्धबंदी करतो. पण कोणत्या अटी-शर्तीवर? पाकिस्तान के तुकडे करेंगे अशी भाषा मोदींची होती. मग कुठे गेले ते तुकडे? जगात हिंदुस्थानची बेआब्रू झाली.
26 भगिनींचे कुंकू पुसले… मोदींनी उत्तर दिलेच पाहिजे
संजय राऊत पुढे म्हणाले की, आमची माणसे मेली, 26 महिलांचे कुंकू पुसले गेले. आणि आपण युद्ध थांबवतो? ऑपरेशन सिंदूर पूर्ण झाल्याशिवाय शस्त्रसंधी कशासाठी? ट्रम्प कोणत्या अधिकारात मध्यस्थी करतात? रशिया-युक्रेन युद्धावेळी भाजपने “पापा ने वॉर रुकवा दी” असे जाहीर केले होते. मग आता अमेरिकेच्या पापाने हिंदुस्थानचे युद्ध थांबवले का? असा सवाल करत राऊतांनी थेट मोदींना लक्ष्य केले.
आपल्याच नेत्यांनी कच खाल्ली
ठाकरे गटाचे नेते संजय राऊत म्हणाले की, पूरा बदला लेंगे, पाकिस्तान के तुकडे करेंगे अशी भाषा पंतप्रधान मोदींची होती. मग ते तुकडे कुठे गेले? पाकिस्तानचे पंतप्रधान म्हणतात की आम्ही युद्ध जिंकलं. जगभरात भारताची बेअब्रू झाली. या वेळी युद्ध न थांबवता पाकिस्तानला कायमचा धडा शिकवता आला असता. पण आपल्याच नेत्यांनी कच खाल्ली, असा आरोप राऊतांनी केला.
युद्ध बंदीच्या अटी-शर्ती कोण ठरवतं? मोदींनी खुलासा करावा
ठाकरे गटाचे नेते संजय राऊत म्हणाले की, युद्ध बंदीच्या अटी-शर्ती कोण ठरवतं? मोदींनी खुलासा करावा. शिवसेनेने मागणी केली की, पंतप्रधान मोदींच्या उपस्थितीत तातडीने सर्वपक्षीय बैठक बोलवली जावी आणि युद्ध बंदीच्या अटी-शर्ती काय होत्या, याचा खुलासा करण्यात यावा. देशाच्या स्वाभिमानाचा प्रश्न आहे. सैनिकांच्या बलिदानाचा आणि त्यांच्या कुटुंबीयांच्या दुःखाचा आदर राखणे सरकारचे कर्तव्य आहे.
