मुळशी (पौड) : मुळशी तालुक्यातील आगामी पंचवार्षिक निवडणुकीच्या पार्श्वभूमीवर सरपंच पदासाठी आरक्षण सोडतीचा कार्यक्रम आज पार पडला. राणी लक्ष्मीबाई मुलींच्या सैनिकी शाळेत आयोजित या कार्यक्रमात २०२५ ते २०३० या कालावधीसाठी ९२ ग्रामपंचायतींसाठी आरक्षण निश्चित करण्यात आले.
तहसीलदार रणजीत भोसले यांनी सोडत जाहीर केली.. यावेळी नायब तहसीलदार श्रीकांत मिसाळ, गटविकास अधिकारी भागवत, सहाय्यक महसूल अधिकारी अजय सावंत, मंगेश शिंगटे, मुकुंद डिंबले उपस्थित होते. शालेय विद्यार्थ्यांच्या हस्ते चिट्ठ्या काढून पारदर्शकपणे आरक्षण सोडत जाहीर करण्यात आली. प्रोजेक्टरद्वारे ग्रामस्थांना आरक्षणाचे सविस्तर विवरण अभिजीत बलकवडे, सतीश साळुंके, ज्ञानेश्वर पोळ यांच्या माध्यमातून सादर करण्यात आले.
या कार्यक्रमाला ग्रामस्थ, स्थानिक पदाधिकारी, तसेच विविध गावांतील प्रतिनिधी मोठ्या संख्येने उपस्थित होते.
ग्रामपंचायत सरपंच पदांचे आरक्षण पुढीलप्रमाणे जाहीर करण्यात आले आहे:
सर्वसाधारण (खुला): माण, घोटवडे, अंबडवेट, नांदे, कासारसाई, बेलावडे, कोळावडे, मांदेडे, वेगरे, वळणे, साठेसाई, मुगावडे, मुगाव, तव, खांबोली, खुबवली, भांबर्डे, लव्हार्डे, चिंचवड, हाडशी, शेडाणी, वातुंडे, मोसे, रावडे, पोमगाव, ताम्हिणी.
सर्वसाधारण (स्त्री): हिंजवडी, मारूंजी, नेरे, पौड, जामगाव, माले, मुळशी, कोळवण, भरे, उरवडे, खेचरे, आंदेशे, खारावडे, वारक, मारणेवाडी, कुळे, पाथरशेत, मुठा, भादस, चाले, भोयणी, भालगुडी, रिहे, वडगाव, कातरखडक, वांद्रे, वाळेण, जवळगाव.
नागरिकांचा मागास प्रवर्ग (खुला): भुगाव, आंबवणे, आंदगाव, असदे, अकोले, नांदगाव, जांबे, कोंढावळे, चिखलगाव, बोतरवाडी, आडमाळ, भुकूम.
नागरिकांचा मागास प्रवर्ग (स्त्री): पिंपळोली, दारवली, निवे, मुलखेड, टेमघर, नानेगाव, कासारआंबोली, बार्पे, वांजळे, दखणे, लवळे, भोडे.
अनुसुचित जाती (खुला): डावजे, माळेगाव, कोंढूर, दासवे.
अनुसुचित जाती (स्त्री): चांदिवली, पिरंगुट, संभवे, शेरे, जातेडे.
अनुसुचित जमाती (खुला): कुंभेरी, धामण ओहोळ.
अनुसुचित जमाती (स्त्री): चांदे, काशिग.
यंदा आरक्षण प्रक्रिया पारदर्शक पद्धतीने झाल्यामुळे ग्रामस्थांमध्ये समाधानाचे वातावरण दिसून आले.
