मुंबई : मनसे नेते संदीप देशपांडेंना धमकी देण्यात आलीय. एका अज्ञात व्यक्तींना संदीप देशपांडेंना (Sandip Deshpande) धमकी देत शिवीगाळ केलीय. मराठी सक्तीच्या मुद्द्यावरुन मनसे आक्रमक झालीय. दरम्यान याच पार्श्वभूमीवर संदीप देशपांडेंना धमकी देण्यात आल्याची माहिती आहे.
मराठीच्या सक्तीसाठी मनसेनं आक्रमक पवित्रा घेतल्यानंतर चांगलाच वाद निर्माण झाला होता. दरम्यान याच मुद्द्यावरुन मनसे नेते संदीप देशपांडेंना धमकी देण्यात आली आहे. या धमकीनंतर संदीप देशपांडेंनी दादर पोलीस स्टेशनमध्ये तक्रार दाखल केलीय. एका अज्ञात व्यक्तीनं संदीप देशपांडेंना धमकी देत शिवीगाळ देखील केलीये.
फोनवरुन मिळालेल्या धमकीनंतर संदीप देशपांडेंनी राज ठाकरेंची भेट घेतली. संपूर्ण प्रकरणाची माहिती त्यांनी राज ठाकरेंना दिली. तसंच अशा धमक्यांना भीक घालत नसल्याचं संदीप देशपांडे यांनी म्हटलंय.
मनसेच्या मराठी सक्तीच्या मुद्द्यावरुन चांगलंच राजकारण तापलंय. दरम्यान मनसेच्या या भूमिकेनंतर उत्तर भारतीय विकास सेनेचे सुनील शुक्लांनी मनसेला कोर्टात खेचण्याचा इशारा दिला होता. तर महाराष्ट्रात मराठीचा सन्मान कोणी करत नसेल त्याला धडा शिकवूच असा पलटवार बाळा नांदगावकरांनी केला.
मराठी सक्तीवरुन राज्यात चांगलंच राजकारण रंगलंय. दरम्यान या मुद्द्यावरुन एकीकडे मनसेला कोर्टात खेचण्याचा इशारा देण्यात आलाय. तर दुसरीकडे मनसे नेते संदीप देशपांडेंना देखील धमकी देण्यात आलीय.
