SA20 लीगच्या चौथ्या हंगामातील उद्घाटन सामन्यात डरबन सुपर जायंट्सने एमआय केप टाऊनला 15 धावांनी हरवले. न्यूलँड्समध्ये खेळल्या गेलेल्या या उच्च-स्कोअरिंग सामन्यात एकूण 449 धावा झाल्या, जिथे रायन रिकेल्टनचे शतकही एमआयला विजय मिळवून देऊ शकले नाही.

या उद्घाटन रात्रीत प्रेक्षकांना सुरुवातीपासून शेवटपर्यंत रोमांच अनुभवायला मिळाला. सामन्यात एकूण 25 षटकार आणि 40 चौकार मारले गेले.

डेवोन कॉनवे आणि केन विल्यमसन यांच्यात 96 धावांची भागीदारी प्रथम फलंदाजी करताना डरबन सुपर जायंट्सकडून न्यूझीलंडची सलामीची जोडी डेवोन कॉनवे आणि केन विल्यमसन यांनी पॉवरप्लेमध्ये वेगवान सुरुवात केली. दोघांनी 8.3 षटकांत 96 धावा जोडल्या. विल्यमसनने 25 चेंडूंवर 40 धावा केल्या, परंतु एमआय केप टाऊनचा कर्णधार राशिद खानने शानदार डाइव्हिंग कॅच घेऊन त्याला बाद केले.

यानंतर जोस बटलर (20) आणि हेनरिच क्लासेन (22) यांनी धावांची गती कायम ठेवली. कॉनवेने 33 चेंडूंमध्ये 64 धावांची खेळी केली. शेवटच्या षटकांमध्ये एडन मार्करम (35) आणि इवान जोन्स (नाबाद 33) यांच्या आक्रमक फलंदाजीमुळे संघाने 20 षटकांत 232/5 धावांचा डोंगर उभा केला, जो न्यूलँड्समधील SA20 इतिहासातील सर्वोच्च धावसंख्या आहे.

डेव्हॉन कॉनवेने 33 चेंडूंमध्ये 64 धावांची खेळी केली.

रायन रिकेल्टनने एमआय केप टाऊनसाठी शतक झळकावले लक्ष्याचा पाठलाग करताना एमआय केप टाऊनची सुरुवात खराब झाली. रासी व्हॅन डर डुसेन आणि रीझा हेंड्रिक्स लवकर बाद झाले. यानंतर रायन रिकेल्टनने सूत्रे हाती घेतली. पदार्पण करणाऱ्या जेसन स्मिथने 14 चेंडूंमध्ये 41 धावा करून सामन्यात रंगत आणली.

डेथ ओव्हर्समध्ये डरबन सुपर जायंट्सच्या गोलंदाजांनी सलग विकेट्स घेतल्या. रिकेल्टनला 85 धावांवर नो-बॉलमुळे जीवदान मिळाले, त्यानंतर त्याने आपले दुसरे टी-20 शतक पूर्ण केले. मात्र, शेवटच्या षटकात 22 धावांची गरज असताना, ईथन बॉश (4/46) ने दबावाखाली उत्कृष्ट गोलंदाजी करत रिकेल्टनची विकेट घेतली आणि एमआय केप टाऊनच्या आशांवर पाणी फेरले.