सेंट जॉर्ज पार्क येथे खेळल्या गेलेल्या SA20 लीग सामन्यात पार्ल रॉयल्सने कर्णधार डेव्हिड मिलरच्या नाबाद अर्धशतकी खेळीच्या जोरावर सनरायझर्स ईस्टर्न केपचा 5 गडी राखून पराभव केला. 150 धावांच्या लक्ष्याचा पाठलाग करताना रॉयल्सने 2 चेंडू शिल्लक असताना विजय मिळवला.

सनरायझर्स ईस्टर्न केपची फलंदाजी

नाणेफेक जिंकून प्रथम फलंदाजीसाठी उतरलेल्या सनरायझर्स ईस्टर्न केप संघाला 20 षटकांत केवळ 149 धावाच करता आल्या. जॉर्डन हरमनने सर्वाधिक 47 धावा केल्या, तर जॉनी बेअरस्टोने 33 धावांची खेळी केली. कर्णधार ट्रिस्टन स्टब्सने 16 चेंडूत 17 धावा केल्या आणि मार्को यानसनने 9 चेंडूत 17 धावा जोडल्या. बाकीचे फलंदाज मोठी भागीदारी करू शकले नाहीत.

पार्ल रॉयल्सकडून 19 वर्षीय वेगवान गोलंदाज नकोबानी मोकोएनाने त्याच्या SA20 कारकिर्दीतील दुसऱ्याच सामन्यात 4 बळी घेतले. त्याने 4 षटकांत 34 धावा दिल्या. तर ऑटनील बार्टमनने घरच्या मैदानावर 3/36 अशी कामगिरी नोंदवली.

पार्ल रॉयल्सचे डेलानो पॉटगिटर आणि कर्णधार डेव्हिड मिलर विजयाचा जल्लोष करताना, जेव्हा पार्ल रॉयल्स (PR) ने सनरायझर्स ईस्टर्न केप (SEC) ला 5 गडी राखून हरवले.

35/4 वर पार्ल रॉयल्सची घसरण 150 धावांच्या लक्ष्याचा पाठलाग करताना पार्ल रॉयल्सची सुरुवात अत्यंत खराब झाली. मार्को यानसन आणि एन्रिक नॉर्टजेच्या वेगवान गोलंदाजीसमोर संघाने 35 धावांवर 4 गडी गमावले. यादरम्यान ल्हुआन-ड्रे प्रिटोरियस, आसा ट्राइब, रुबिन हरमन आणि काइल वेरिन पॅव्हेलियनमध्ये परतले. यानसनने या सामन्यात SA20 मधील आपला 50वा बळीही पूर्ण केला.

मिलर-लायन-कॅशेची सामना जिंकून देणारी भागीदारी कठीण परिस्थितीत कर्णधार डेव्हिड मिलरने युवा फलंदाज कीगन लायन-कॅशेसोबत पाचव्या विकेटसाठी 114 धावांची महत्त्वपूर्ण भागीदारी केली. मिलरने 38 चेंडूंमध्ये नाबाद 71 धावा केल्या, तर कीगन लायन-कॅशेने 40 चेंडूंमध्ये 45 धावांची संयमी खेळी केली.

शेवटच्या षटकातील वाइडने टाळला सुपर ओव्हर सामना शेवटच्या षटकापर्यंत रोमांचक राहिला. प्रेक्षकांना सुपर ओव्हरची अपेक्षा होती, पण शेवटच्या षटकात लुईस ग्रेगरीच्या एका वाइड चेंडूने पार्ल रॉयल्सचा विजय निश्चित केला.