भारताविरुद्ध होणाऱ्या तीन सामन्यांच्या वनडे मालिकेसाठी इंग्लंडने 16 सदस्यीय संघाची घोषणा केली आहे. ससेक्सचा अष्टपैलू खेळाडू जेम्स कोल्सला पहिल्यांदाच वनडे संघात स्थान मिळाले आहे. तर वेगवान गोलंदाज जोफ्रा आर्चरचे सुमारे आठ महिन्यांनंतर वनडे संघात पुनरागमन झाले आहे. त्याने शेवटचा वनडे नोव्हेंबर 2025 मध्ये खेळला होता. संघाचे कर्णधारपद हॅरी ब्रूक सांभाळणार आहे. वेगवान गोलंदाज जोश टंगलाही पहिल्यांदाच वनडे संघात समाविष्ट करण्यात आले आहे. याशिवाय, गस ॲटकिन्सन आणि साकिब महमूद हे देखील श्रीलंका दौरा चुकवल्यानंतर संघात परतले आहेत. 4 बदलांसह मैदानात उतरणार इंग्लंड श्रीलंका दौऱ्यावर गेलेल्या संघाच्या तुलनेत इंग्लंडने चार बदल केले आहेत. जेम्स कोल्स, जोफ्रा आर्चर, गस ॲटकिन्सन आणि साकिब महमूद यांचा संघात समावेश करण्यात आला आहे. तर ब्रायडन कार्से, जॅक क्रॉली, जेमी ओव्हरटन आणि ल्यूक वुड यांना वगळण्यात आले आहे. 14 जुलैपासून मालिका सुरू होणार भारत आणि इंग्लंड यांच्यातील तीन सामन्यांच्या एकदिवसीय मालिकेतील पहिला सामना 14 जुलै रोजी एजबॅस्टन येथे खेळला जाईल. दुसरा सामना 16 जुलै रोजी कार्डिफ येथे आणि तिसरा व अंतिम एकदिवसीय सामना 19 जुलै रोजी लॉर्ड्सवर होईल. इंग्लंडचा एकदिवसीय संघ हॅरी ब्रूक (कर्णधार), रेहान अहमद, जोफ्रा आर्चर, गस ॲटकिन्सन, टॉम बॅंटन, जेकब बेथेल, जोस बटलर, जेम्स कोल्स, सॅम करन, लियाम डॉसन, बेन डकेट, विल जॅक्स, साकिब महमूद, आदिल रशीद, जो रूट आणि जॉश टंग. भारतीय संघात कोहलीचे पुनरागमन 21 जून रोजी भारतीय संघाची घोषणा झाली होती. संघाचा कर्णधार शुभमन गिल आहे. श्रेयस अय्यरला उपकर्णधारपद देण्यात आले आहे. विराट कोहली आणि रोहित शर्मा देखील संघाचा भाग आहेत. कोहली दुखापतीमुळे अफगाणिस्तान मालिका खेळू शकला नव्हता.
Source link
