नायलॉन मांजावर बंदी असूनही खंडाळा परिसरात सर्रास वापर सुरू आहे. या मांजावर धातू मिश्रित रसायनाचे कोटींग असते. त्यामुळे त्यातून वीजप्रवाह होऊ शकतो. अशा मांजामुळे दुचाकीस्वारांचा जीव धोक्यात येतो. विद्युत तारेला अडकल्यास मोठा अपघात होऊ शकतो. त्यामुळे क
.
वैजापूर तालुक्यातील ग्रामीण भागात नायलॉन मांजाची विक्री खुलेआम सुरू आहे. शासनाने बंदी घातली असूनही अनेक व्यापारी पैशाच्या मोहापोटी मांजा विकत आहेत. या मांजामुळे अनेकांना जीव गमवावा लागला आहे. काहींना आयुष्यभर अपंगत्व पत्करावे लागले आहे. जनजागृती करूनही पतंग उडवणारे आणि मांजा विकणारे इतरांच्या जीवाशी खेळत आहेत.
पोलीस प्रशासनाने सोशल मीडियावरून सूचना दिल्या आहेत. बंदी घालण्यात आलेला मांजा आढळल्यास दुकानदार, खेळणारी मुले आणि पालकांवर गुन्हा दाखल केला जाईल. नागरिकांनी याला किती प्रतिसाद दिला, हे संक्रांतीच्या सणात दिसून येईल.
मागील वर्षी खंडाळ्यात एका मुलाने मांजाऐवजी तार वापरून पतंग उडवला होता. आयुष बाळनाथ झाल्टे या दहा वर्षांच्या मुलाचा हात त्या तारेस लागला. विद्युत प्रवाहाचा जोरदार धक्का बसला.






















