शहरासाठी सुरू असलेल्या नवीन पाणीपुरवठा योजनेतील सर्वात महत्त्वाच्या टप्प्याला बुधवारी (११ डिसेंबर) मोठे यश मिळाले आहे. नक्षत्रवाडी जलशुद्धीकरण केंद्रातून एक्स्प्रेस लाइनने शहरात पाणी आणणाऱ्या १२२० मिमी व्यासाच्या मुख्य जलवाहिनीची हायड्रो टेस्टिंग पूर
.
महाराष्ट्र जीवन प्राधिकरण (मजीप्र) चे मुख्य व्यवस्थापक महेंद्र गुगलोथ यांनी दिलेल्या माहितीनुसार, नक्षत्रवाडी ते गोकुळ स्वीटपर्यंतच्या ५०० मीटर लांबीच्या महत्त्वाच्या भागाची हायड्रो टेस्ट १६ किलो उच्च दाबावर घेण्यात आली. नियमित पाणीपुरवठ्यात या लाइनवर केवळ ८ ते ९ किलो दाब येणार असताना, त्याच्या दुपटीपेक्षा जास्त दाब देऊन घेतलेली ही चाचणी निर्णायक ठरली आहे.
अल्ट्रा व्हायलेट टेस्ट यशस्वी झाल्यानंतर हाड्रो टेस्ट चाचणीपूर्वी अल्ट्रा व्हायलेट स्कॅनिंग करून पाइपची आंतरिक तपासणी करण्यात आली. कोणताही दोष न आढळल्याने हायड्रो चाचणी घेण्यात आली. शहराला भविष्यात दीर्घकाळ स्थिर, उच्च-दाबाचा पाणीपुरवठा देण्यासाठी ही टेस्ट अत्यंत महत्त्वाची होती. १६ किलो दाब सहन करून लाइन उत्तीर्ण झाली म्हणजे प्रत्यक्ष पुरवठ्यात तांत्रिक त्रुटींची शक्यता नगण्य आहे, असे गुगलोथ यांनी सांगितले.
ही चाचणी इतकी महत्त्वाची का
शहरात २०० एमएलडी वाढीव पाणी आणण्याच्या संपूर्ण योजनेचा कणा म्हणजे ही १२२० मिमी लाइन. • पुढील २–३ दशके या लाइनवर उच्च दाबाचा भार येणार आहे. • एकदा पाणीपुरवठा सुरू झाल्यावर गळती किंवा फुटीमुळे मोठे नुकसान व शहरात पाणीटंचाई निर्माण होऊ शकते. • टेस्ट यशस्वी झाल्याने पुढील कार्यवाही जोडण्या, फ्लशिंग, लाइन चार्जिंग निर्धास्तपणे करता येणार आहे.
हायड्रो टेस्टिंग म्हणजे काय?
• पाइपमध्ये पाणी भरून त्यावर नियमित दबावापेक्षा दीडपट अधिक दाब दिला जातो. • लाइनमध्ये गळती, सूक्ष्म क्रॅक किंवा जोडांमध्ये कमजोरपणा आहे का, हे तपासले जाते.






















