?

दिल्ली याठिकाणी ३ ते १४ ऑक्टाेबर २०१० मध्ये राष्ट्रकुल स्पर्धा पार पडली हाेती. या स्पर्धेचे आयाेजनात स्पर्धेचे बजेट जाणीवपूर्वक वाढवले गेले, बनावट करार केले गेले, निकृष्ट पायाभूत सुविधा निर्मिती, बेकायदेशीर लाच अशाप्रकारे माेठ्या प्रमाणात भ्रष्टचार झाल्याचा आणि सरकारचे आर्थिक नुकसान झाल्याचा आराेप करण्यात आला हाेता. तसेच तत्कालीन काँग्रेसचे ज्येष्ठ नेते व स्पर्धेचे आयाेजक सुरेश कलमाडी यांचे विराेधात मनी लाॅड्रिंगसह वेगवेगळया प्रकारचे गन्हे दाखल झाले हाेते. कलमाडी यांनी याप्रकरणात नऊ महिने तुरुंगवास देखील भाेगला हाेता. सीबीआयने याप्रकरणात भ्रष्टाचाराचा गुन्हा दाखल करत कामातील अनियमिततेमुळे आयाेजन समितीचे काट्यवधी रुपयांचे रुपयांचे नुकसान झाल्याचे स्पष्ट केले हाेते.

स्पर्धेचे आयाेजक सुरेश कलमाडी, सरचिटणीस ललित भानाेत व इतरांवर अनियमितता केल्याचा आराेप देखील दाखल करण्यात आला. त्याआधारे ईडीने याबाबत मनी लाॅड्रिंग प्रकरणाचा तपास सुरु केला हाेता. परंतु आता या तपासात आराेपी विराेधात काेणताही ठाेस पुरावा मिळून आलेला नाही असे सांगत सीबीआयने क्लाेजर रिपाेर्ट न्यायालयात सादर केला. त्यानंतर आता ईडीने देखील सीबीआयचा तपास थांबवला असल्याचे कारण देत न्यायालयाने ईडीचा कलमाडी यांचे बाबतचा ईडीचा क्लाेजर रिपाेर्ट स्विकारला आहे. त्यामुळे कलमाडी समर्थक कार्यकर्त्यांनी सुरेश कलमाडी यांच्या घराबाहेर एकत्र जमून ‘सबसे बडा खिलाडी, सुरेश कलमाडी’ अशी घाेषणाबाजी करत पेढे वाटप करत आंनद व्यक्त केला आहे. सुरेश कलामाडी याप्रकरणात निर्दाेष असताना देखील त्यांच्यावर वेगवेगळे भ्रष्टाचाराचे आराेप करत गुन्हा दाखल झाल्याने काँग्रेसचे एक चांगले नेतृत्व हिरावले गेल्याची भावना काँग्रेस कार्यकर्त्यांनी व्यक्त केली.