?

त्यानंतर सदर गुंतवणूक केलेली रक्कम परत काढण्याचा प्रयत्न केला असता अनाेळखी आराेपीने त्यांना ब्राेकरेज फी, हाय ट्रान्झॅक्शन फी,सेक्युरीटी डिपाॅझीट, थर्ड पार्टी हाय ट्राॅन्झॅक्शन विड्राेअल प्लॅटफाॅर्म असे वेगवेगळे चार्जेसचे एकूण एक काेटी 9 लाख 47 हजार रुपये भरण्यास भाग पाडून सदर रकमेची फसवणूक करण्यात आली हाेती. सायबर पोलिसांनी याबाबत गुन्हा दाखल करुन तपास करत फसवणूक करणारे दाेन आराेपींना गुजरात मधील अहमदाबाद येथून अटक केल्याची माहिती गुन्हे शाखेच्या पोलिस उपआयुक्त स्वप्ना गाेरे यांनी दिली आहे.

भाैमिक भरतभाई पटेल (वय- 29) व आकाश पाेपटभाई रादडीया (24 ) अशी अटक करण्यात आलेल्य आराेपीची नावे आहे. सदर गुन्हयात आर्थिक फसवणूक ही माेठया स्वरुपाची असल्याने व अशाप्रकारचे गंभीर स्वरुपांचे गुन्हयांना प्रतिबंध हाेण्यासाठी सदर गुन्हयाचा सखाेल तपास करुन गुन्हा उघडकीस आणण्याचे आदेश पोलिस आयुक्त विनयकुमार चाैबे यांनी दिले हाेते. त्यानुसार पोलिस निरीक्षक रविकरण नाळे, सपाेनि प्रविण स्वामी, पाेउपनि सागर पाेमण, पाेउपनि वैभव पाटील, पाेउपनि विद्या पाटील यांची पथके तयार करुन गुन्हयाचा तपासाबाबत मार्गदर्शन करुन कामाचे विभाजन करण्यात आले हाेते. सपाेनि प्रविण स्वामी, पाेउपनि वैभव पाटील गुन्हयात आराेपींनी वापरलेल्या बँक खाते, त्याचा ट्रेल यासंबंधाने माहिती काढत असताना त्यांना एक बँक खाते अहमदाबाद, गुजरात येथे असल्याचे निष्पन्न झाले. त्यावरुन सदर संशयित आराेपी स्वत: रक्कम काढत असल्याचे तांत्रिकी माहिती मिळाल्याने अधिक तांत्रिक तपास करुन पोलिसांचे एक पथक अहमदाबाद येथे जाऊन त्यांनी दाेन आराेपींना अटक केली. त्यांचेकडे तपास केला असता त्यांचा साथीदार दिलीप हा त्यांच्याशी संगनमत करुन फसवणूकीची रक्कम बँक खात्यावर घेून ती आंगडीया मार्फत पुढे पाठवत हाेता. त्यांचा साथीदार हा नेपाळ येथे राहून सदर गुन्हा करीत असल्याचे प्राथमिक तपासात निष्पन्न झाले आहे. आराेपींच्या माेबाईल मध्ये नेपाळ येथील आंतरराष्ट्रीय टाेळीबराेबर संबंध असल्याचे देखील दिसून आले आहे. आराेपींकडे मिळून आलेल्या बँक खाते विराेधात इतर राज्यात देखील एनसीसीआरी पाेर्टलच्या तक्रारी असल्याचे मिळून आले आहे. त्याअनुषंगाने तसेच फसवणूकीचे रक्कमेबाबत सखाेल तपास करण्यात येत आहे.