WPL 2026 : महिला प्रीमियर लीग 2026 साठी मुंबई इंडियन्सने (Mumbai Indians) नव्या जर्सीची घोषणा केली असून सोशल मीडियावर एक व्हिडीओ शेअर करण्यात आला आहे. यात खेळाडू महिला प्रीमियर लीग 2026 साठीच्या (Womens Premier League) नव्या जर्सी किटमध्ये दिसत आहेत. बीसीसीआयने (BCCI) पुरुष क्रिकेट प्रमाणे महिला क्रिकेटला सुद्धा प्रोत्साहन मिळावे यासाठी महिला प्रीमियर लीगला सुरुवात केली होती. आतापर्यंत या लीगचे तीन सीजन झाले असून चौथ्या सीजनला 9 फेब्रुवारी पासून सुरुवात होणार आहे, ज्याचं संपूर्ण शेड्युल आता समोर आलंय.
मुंबई इंडियन्स महिला प्रीमियर लीगच्या इतिहासातील सर्वात यशस्वी संघ असून त्यांनी सीजनच्या पहिल्या आणि तिसऱ्या सीजनचं विजेतेपद पटकावलं आहे. मुंबई इंडियन्स हा गत विजेता संघ असून हरमनप्रीत कौरच्या नेतृत्वात त्यांनी दिल्ली कॅपिटल्सचा पराभव केलाय. आगामी सीजनसाठी मुंबई इंडियन्सने ऑक्शनमधून एकूण 11 खेळाडूंना खरेदी केलं होतं.
मुंबईची सर्वात महागडी खेळाडू :
मुंबई इंडियन्सने महिला प्रीमियर लीगच्या चौथ्या सीजनसाठी कर्णधार हरमनप्रीत कौर सह पाच खेळाडूंना रिटेन केलं होतं. यात सर्वात जास्त किंमत हे नताली सिवर हिची आहे. नताली सिवर मुंबई इंडियन्सची सर्वात महागडी खेळाडू असून तिची किंमत ही 3.50 कोटी आहे तर हरमनप्रीत कौरची किंमत ही 2.50 कोटी आहे.
WPL मध्ये मुंबई इंडियन्सचं प्रदर्शन :
हरमनप्रीत कौरच्या नेतृत्वात खेळणाऱ्या मुंबई इंडियन्सने 2023 मध्ये पहिल्या सीजनचं विजेतेपद पटकावून इतिहास रचला. त्यावेळी दिल्ली कॅपिटल्सला त्यांनी फायनलमध्ये पराभूत केलं. महिला प्रीमियर लीगच्या 2024 मध्ये मुंबई इंडियन्स एलिमिनेटर सामन्यात पराभूत झाली आणि स्पर्धेतून बाहेर पडली, यावेळी दुसऱ्या सीजनचा खिताब हा आरसीबी संघाने जिंकला, तर फायनलमध्ये दिल्ली उपविजेता संघ ठरली. तर महिला प्रीमियर लीग 2025 मध्ये पुन्हा एकदा मुंबई इंडियन्सने दिल्लीला पराभूत करून स्पर्धेचं विजेतेपद जिंकलं.
महिला प्रीमियर लीग 2026 चा पहिला सामना हा डिवाय पाटील स्टेडियमवर मुंबई इंडियन्स विरुद्ध रॉयल चॅलेंजर्स बेंगलुरु यांच्यात 9 जानेवारी रोजी खेळवला जाणार आहे. तर 5 फेब्रुवारी रोजी वडोदरा येथे महिला प्रीमियर लीगचा सामना खेळवला जाईल.
हेही वाचा : IPL 2026 मध्ये ‘या’ देशातील खेळाडू खेळणार नाही? BCCI काय म्हणाले? जाणून घ्या नेमकं प्रकरण
साठी आमची जर्सी सादर करत आहे TATAWPL 2026
आता खरेदी करा https://t.co/GJ9oLcYP12 आलीरे मुंबई इंडियन्स pic.twitter.com/HcsqnsrPg6
मुंबई इंडियन्स (मिपल्टन) 2 जानेवारी 2026
महिला प्रीमियर लीगसाठी मुंबई इंडियन्सचा संघ :
नॅट सायव्हर-ब्रंट, अमेलिया केर, हरमनप्रीत कौर, हेली मॅथ्यूज, अमनजोत कौर, सजीवन सजना, शबनीम इस्माईल, गुणालन कमलिनी, सायका इशाक, निकोला केरी, त्रिवेणी वसिष्ठ, संस्कृती गुप्ता, क्रांती रेड्डी, मिलिअन इलिंग, पोयमनार, पोयमनार.
