बिलासपूर रेल्वे अपघात : छत्तीसगडच्या बिलासपूर जिल्ह्यात एक मोठा रेल्वे अपघात झालाय. हावडा मार्गावर धावणारी कोरबा पॅसेंजर ट्रेन लालखदानजवळ एका मालगाडीला समोरासमोर धडकली. हा अपघात इतका भीषण होता की अनेक डबे रुळावरून घसरले आहेत. ज्यामुळे घटनास्थळी मोठी गर्दी पाहिला मिळत आहे. मिळालेल्या माहितीनुसार, या अपघातात 6 जणांचा मृत्यू झाला असून हा आकडा वाढण्याची भीती व्यक्त करण्यात येत आहे. तर 12 जण जखमी झाले आहेत.
छत्तीसगड ब्रेकिंग
बिलासपूर येथे रेल्वे अपघात
प्रवासी आणि मालगाडीची समोरासमोर धडक
मदतकार्यात गुंतलेली टीम
परिसरात प्रचंड गर्दी
6 जणांचा मृत्यू झाल्याची बातमी #छत्तीसगड बातम्या #बिलासपूर #ट्रेन अपघात pic.twitter.com/LinrY3tez3
— लाभेश घोष (भिलाई टाईम्स) (@labheshghosh) 4 नोव्हेंबर 2025
माहिती मिळताच, रेल्वे आणि जिल्हा प्रशासनाचे पथक तातडीने अपघातस्थळी पोहोचले असून बचावकार्य सुरू आहे. जखमींना जवळच्या रुग्णालयात दाखल करण्यात येत आहेत. रेल्वे अधिकारी आणि कर्मचारी घटनास्थळी पोहोचले आहेत आणि मदतकार्य सुरू केले आहे. अपघातानंतर बिलासपूर-कटनी मार्गावरील रेल्वे वाहतूक पूर्णपणे ठप्प झाली आहे. अनेक गाड्या रद्द करण्यात आल्या आहेत आणि त्या मार्गावरून वळवण्यात आल्या आहेत.
#पाहा | बिलासपूर, छत्तीसगड: संजय अग्रवाल, डीसी, बिलासपूर म्हणाले, “बिलासपूरजवळ लोकल ट्रेनची शेवटची आणि पहिली बोगी आणि मालगाडीची टक्कर झाली. या अपघातात चार जणांना आपला जीव गमवावा लागला आहे. बचाव कार्य सुरू आहे…” pic.twitter.com/5xobXb3DJD
— ANI (@ANI) 4 नोव्हेंबर 2025
हा अपघात बिलासपूर-कटनी रेल्वे मार्गावर घडला आहे, जो सर्वात वर्दळीचा मार्ग आहे. हा अपघात का घडला यामागील कारण अद्याप समोर आलेलं नाही. चौकशीनंतरच या अपघाताचे खरे कारण स्पष्ट होईल. अपघातात ओव्हरहेड वायर आणि सिग्नल सिस्टीमचेही नुकसान झाले आहे, ज्यामुळे ट्रॅक पुनर्संचयित करण्यास विलंब होऊ शकतो. हा परिसर अतिशय वर्दळीचा रेल्वे मार्ग मानला जातो, त्यामुळे दुरुस्तीचे काम जलद गतीने केले जात आहे. एवढी मोठी निष्काळजीपणा कशी घडली हे शोधण्यासाठी रेल्वेने चौकशी सुरू केली आहे. दरम्यान AI च्या माध्यमातून हा अपघात कसा झाला असेल या व्हिडीओत दाखवण्यात आला आहे.
Bilaspur Train Accident बिलासपूरमध्ये पॅसेंजर ट्रेन मालगाडीला कशी धडकली? पहा AI व्हिडिओ… pic.twitter.com/GmnBKPGknF
— शिवम राय (@ConnectShivam) 4 नोव्हेंबर 2025
रेल्वेकडून मिळालेल्या माहितीनुसार, मेमू ट्रेनच्या दोन डब्यांची एका मालगाडीशी टक्कर झाली. बिलासपूर स्टेशनजवळ दुपारी 4 वाजताच्या सुमारास हा अपघात झाला.
