माजी क्रिकेटर हरभज सिंह आणि त्याची पत्नी गीता बसरा यांनी जसप्रीत बुमराह आणि संजना गणेशन यांची मुलाखत घेतली. या मुलाखतीत संजनाने सांगितलं की कोरोना असताना बुमराहने कशा प्रकारे आयपीएल अधिकाऱ्यांशी बोलून बबल-टू-बबल ट्रांसफरची व्यवस्था केली होती. स्वतः संपूर्ण रूम सजवला होता आणि फिल्मी स्टाईलने प्रपोज केलं होतं.

जसप्रीत बुमराहने सांगितलं की, ‘कोरोनाच्या वेळची गोष्ट होती. प्रत्येक संघासाठी एक बबल होतं. संजना तेव्हा केकेआरमध्ये होती तर जसप्रीत बुमराह मुंबई इंडियन्समध्ये होता. दोन्ही संघ आबू दाबीमध्ये होते. मी एक अंगठी घेतली होती आणि विचार केला होता की स्पर्धेनंतर संधी मिळेल. मैदानाशिवाय आम्ही बबलमुळे एकमेकांना भेटू शकलो नाही.

बुमराह पुढे म्हणाला की, ‘ती बाहेर होती, मग मला लोकांना सांगावं लागलं की मी संजनसाठी ही अंगठी आणली आहे. कृपया बबल-टू-बबल ट्रांसफरची व्यवस्था करा. जेव्हा ती येणार होती तेव्हा मी स्वतः संपूर्ण खोली सजवली, केक ठेवला आणि सगळं सजवून मग अंगठी तयार ठेवली’.

संजना गणेशनने तिची प्रपोजल स्टोरी सांगितली. ती पुढे म्हणाली की, ‘मी जेव्हा बुमराहच्या रूममध्ये गेले तेव्हा तो मला म्हणाला बाल्कनीमध्ये चल. मी आताच रूममध्ये पाऊल ठेवलं होतं, मला कमीत कमी पाणी तर विचार. पण तो म्हणत होता नाही नाही तू आधी बाल्कनीत चल’.

संजना गणेशनने तिची प्रपोजल स्टोरी सांगितली. ती पुढे म्हणाली की, ‘मी जेव्हा बुमराहच्या रूममध्ये गेले तेव्हा तो मला म्हणाला बाल्कनीमध्ये चल. मी आताच रूममध्ये पाऊल ठेवलं होतं, मला कमीत कमी पाणी तर विचार. पण तो म्हणत होता नाही नाही तू आधी बाल्कनीत चल’. पुढे बुमराहने सांगितलं की तो संजनाला एवढ्या लवकर बाल्कनीत चल असं का म्हणत होता. बुमराहने समजावलं की, ‘मी बाल्कनीत मेणबत्ती पेटवल्या होत्या आणि बाल्कनी ही समुद्राच्या किनारी असल्यामुळे हवेने मेणबत्ती विजय होती. मला खूप मेहनत करावी लागली’.