एअर प्लेन अपघात: अहमदाबादमध्ये एअर इंडियाच्या बोइंग 787 ड्रीमलाइनर विमानाचा गुरुवारी भीषण अपघात झाला. या विमानातील जवळपास 242 पैकी 241 प्रवाशांचा या विमान अपघातात मृत्यू झाला. मात्र या भयंकर विमान अपघातातून फक्त एक प्रवासी विश्वास कुमार रमेश हा बचावला. विमान अपघात झाल्यावर ज्या प्रकारे आगीचे लोट दिसले त्यानंतर या भयावह अपघातातून विश्वास कुमार रमेश यांचं वाचणं हा चमत्कारच म्हणावा लागेल. काही वर्षांपूर्वी अशाच एका विमान अपघातातून 3 खेळाडू बचावले होते, त्यांचं जिवंत राहणं हे कोणत्या चमत्कारापेक्षा कमी नव्हतं.
2016 रोजी झाला होता अपघात :
आम्ही त्या भयंकर विमान अपघाताबाबत बोलत आहोत जो 2016 रोजी झाला होता. विमान 28 नोव्हेंबर 2016 रोजी कोलंबियाच्या मेडेलिनजवळ क्रॅश झालं होतं. लामिया फ्लाइट 2933 असं हे विमान होतं ज्यातून 77 प्रवासी प्रवास करत होते. अपघातात यामधून केवळ 6 प्रवासी बचावले तर 71 प्रवाशांचा मृत्यू झाला. हे विमान ब्राजील फुटबॉल क्लब चापेकोएन्स संघ आणि त्यांच्या सहकाऱ्यांना बोलिव्हियातील सांताक्रूझ डे ला सिएरा येथून मेडेलिनला घेऊन जात होते. या संघाला 2016 ची कोपा सुदामेरिकाना फायनल खेळायची होती. या विमान अपघातातूनबचावलेल्या 6 लोकांमध्ये एक कॅबिन क्रू, तीन खेळाडू आणि दोन सामान्य प्रवाशांचा समावेश होता. या विमानातून 21 पत्रकार सुद्धा प्रवास करत होते.
साओ पाउलोहून उड्डाण करणारे विमान मेडेलिनला पोहोचेपर्यंत सर्व काही ठीक होते. 22: 15 वाजता मेडेलिनजवळ विमानाचा ग्राउंड कंट्रोलर्सशी संपर्क तुटला. पायलटने विद्युत समस्या नोंदवली होती, परंतु मदत पोहोचेपर्यंत परिस्थिती नियंत्रणाबाहेर गेली होती. विमान एका डोंगराळ भागात कोसळेल. हा अपघात एवढा भीषण होता की 100 मीटर परिसरात या अपघातग्रस्त विमानाचा कचरा पसरलेला होता.
हेही वाचा : गौतम गंभीर इंग्लंड दौरा सोडून तडकाफडकी भारतात परतला, नेमकं काय घडलंय?
3 फुटबॉलपटूंचा वाचला होता जीव :
2016 जेव्हा हा विमान अपघात झाला त्यानंतर 29 नोव्हेंबरला 2 वाजायच्या सुमारास एक व्यक्ती हॉस्पिटलमध्ये ज्याचं नाव ऍलन रसेल असं होतं आणि तो चापेकोएन्स संघातील एक सदस्य होता. या अपघातातून वाचलेले अजून दोन खेळाडू नेटो आणि गोलकीपर जॅक्सन फॉलमन होते. यातील जॅक्सन फॉलमन हा वाचला खरा मात्र त्याच्या पायाला दुखापत झाली होती.
नीटो: फुटबॉलपटू नेटो हा अपघातातून बचावला मात्र बरेच दिवस त्याच्यावर उपचार सुरु होते आणि तो डॉक्टरांच्या देखरेखीखाली होता. याच्या छातीवर डोक्यावर आणि फुफुसांना गंभीर दुखापत झाली होती. नेटोने यानंतर फुटबॉलमधून निवृत्ती घेतली आणि सध्या तो चापेकोएन्स टीममध्ये अधीक्षक म्हणून काम करत आहे.
ऍलन रसेल : विमान प्रवासातून बचावलेल्या ऍलन रसेलच्या मणक्याची सर्जरी झाली. त्याला अपघातानंतर खूपच गंभीर स्थितीमध्ये हॉस्पिटलला नेण्यात आलं होतं. तो सध्या जुवेंट्यूडसाठी लेफ्ट बॅक म्हणून खेळतो.
जॅक्सन फॉलमन : जॅक्सन फॉलमन हा या अपघातातून वाचला खरा मात्र त्यात त्याच्या एका पाया गंभीर दुखापत झाल्याने त्याचा पाय कापण्यात आला. तो सध्या पॅरा फुटबॉल खेळण्याचा प्रयत्न करत आहे.
