मुळशी : लवळे गावात संविधान दिन विविध उपक्रमांनी आणि उत्साहपूर्ण वातावरणात बुधवारी (२६ नोव्हेंबर) साजरा करण्यात आला. ग्रामपंचायतीच्या पुढाकाराने सकाळीच प्रभातफेरीचे आयोजन करण्यात आले होते. विद्यार्थ्यांनी थोर स्वातंत्र्यसैनिक व महान व्यक्तींच्या वेशभूषेत गावातून फेरफटका मारत भारत माता आणि भारतीय संविधानाच्या घोषणांनी परिसर दुमदुमून टाकला.
ग्रामपंचायत भवनाच्या दर्शनी भागावर आकर्षक पद्धतीने तयार केलेली संविधान उद्देशिका लावण्यात आली. डॉ. बाबासाहेब आंबेडकर यांच्या प्रतिमेसह संविधान उद्देशिकेचे पूजन करून कार्यक्रमाची औपचारिक सुरुवात झाली. त्यानंतर उपस्थितांनी एकत्रितपणे संविधान उद्देशिकेचे वाचन केले. बुद्धवंदनाही यावेळी सादर करण्यात आली.
जिल्हा परिषद प्राथमिक शाळेत विद्यार्थ्यांसाठी निबंध आणि वक्तृत्व स्पर्धांचे आयोजन करण्यात आले. तर सिंबायोसिस लॉ कॉलेज, लवळे येथील विद्यार्थी आणि प्राध्यापकांनी गावकऱ्यांना कायदेविषयक मार्गदर्शन केले. संस्थेच्या वतीने संविधान उद्देशिकेच्या ५० प्रतींचे वाटप करण्यात आले. तसेच गावपातळीवर नियमित कायदेविषयक सल्लागार शिबीर आयोजित करण्याचे आश्वासनही देण्यात आले.
कार्यक्रमाला सरपंच रंजित राऊत, उपसरपंच राणीताई केदारी, सदस्य संजय सातव, राहुल खरात, बाळासाहेब राऊत, शिवराम सातव, सारीकाताई कळमकर, वर्षाताई राऊत, सुजाताताई मोरे, सायलीताई सातव, नर्मदाताई टकले, साधनाताई सातव, ग्रामपंचायत अधिकारी व्ही. डी. साकोरे, कर्मचारी दादा वीर, ज्योती गायकवाड, रुपाली नलावडे, मंदा गोठे, अक्षदा क-हेकर, विद्यानंद कांबळे यांच्यासह मोठ्या संख्येने ग्रामस्थ उपस्थित होते.
जिल्हा परिषद शाळेच्या मुख्याध्यापिका खोमणे मॅडम, शालेय समितीचे अध्यक्ष अमोल क्षीरसागर, उपाध्यक्ष सतीश आल्हाट, ग्रामस्थ अतुल खरात, शुभम गायकवाड, दिपक केदारी, व्हा. चेअरमन उत्तम केदारी यांनीही उपस्थित राहून कार्यक्रमाला सहकार्य केले.
सिंबायोसिस कॉलेजचे प्राचार्य अभ्यंकर सर, समन्वयक प्रांजल काळे व मोठ्या संख्येने विद्यार्थी उपस्थित होते. संविधान मूल्यांची जपणूक आणि जागृतीचा संदेश देत लवळे ग्रामपंचायतीचा संविधान दिन कार्यक्रम यशस्वीपणे पार पडला.
