- मराठी बातम्या
- राष्ट्रीय
- रुद्रनाथने आपत्कालीन परिस्थितीत स्वत: चे डेटा नेटवर्क तयार केले, अर्धा तास पूर्णपणे विनामूल्य आहे, बद्रीनाथ धामचे दरवाजे आज उघडतील, पहिल्या दिवशी 40 हजार भक्त
बद्रीनाथ धाम2 मिनिटांपूर्वी
- कॉपी दुवा
उत्तराखंडच्या चमोली जिल्ह्यातील बद्रीनाथ धामचे कपाट आज रविवारी सकाळी ६ वा. भाविकांसाठी उघडले जाणार आहे. पहिल्या दिवशी येथे सुमारे ४० हजार भाविक दर्शन घेतील. भगवान विष्णूच्या या मंदिरात शनिवारी कुबेर व उद्धवांची पालखी, शंकराचार्यांची गादी आणि इतर प्रतीके पोहचली. याच दरम्यान, स्वत:चे डेटा नेटवर्क असलेला रुद्रप्रयाग पहिला जिल्हा बनला आहे. राज्य सरकारने शनिवारी त्याची सुरुवात केली.
डिस्ट्रिक्ट डिझास्टर रिसोर्स असे त्यास नाव दिले आहे. चारही धाममध्ये आपत्कालीन परिस्थितीत हे नेटवर्क काम करील. यामध्ये वायफाय, मोबाइल डेटा, व्हाॅइस काॅल, हाय क्वाालिटी सीसीटीव्ही व्हिज्युअल्सची सुविधा आहे. भाविकांना फोनमध्ये वाय-फाय सेटिंग करून मोबाइल क्रमांक रजिस्टर केल्यानंतर अर्धा तास त्याचा वापर करता येईल. २०२४ मध्ये केदारनाथमधील आपत्तीनंतर मोबाइल नेटवर्क पूर्णपणे बंद पडले होते.
नव्या रावलद्वारे पूजा… केरळच्या अमरनाथ नंबुद्रींकडे जबाबदारी
बद्रीनाथ धामचे मुख्य पुजारी केरळचे नंबुद्री ब्राह्मण असतात, त्यांना रावल म्हणून ओळखले जाते. मागील वर्षी ईश्वरप्रसाद नंबुद्री मुख्य रावल होते. प्रकृतीच्या कारणाने त्यांनी पद सोडले. यामुळे ३० वर्षीय अमरनाथचे नॅब रावल यांच्याकडे ही जबाबदारी आली.बद्रीनाथची २५० वर्षांची परंपरा कायम ठेवणारे ते २४ वे रावल ठरतील. अमरनाथ उत्तर केरळमधील आहेत. त्यांची ही पहिलीच पूजा आहे.
८ व्या शतकात आदी शंकराचार्यांनी चारी धामांची स्थापना केली, तेव्हा त्यांनी बद्रीनाथमध्ये पूजेची जबाबदारी केरळच्या नंबुद्री ब्राह्मणांकडे दिली. आदी शंकराचार्य अद्वैत फाउंडेशनचे सदस्य शंकरन नंबुद्री यांनी भास्करला सांगितले की, रावलची निवड उत्तर केरळमधील योग्य नंबुद्री ब्राह्मणांमधून केली जाते. यावर कुठल्याही एका कुटुंबाचा अधिकार नाही. सहायक रावल नेहमी त्रिवेंद्रममधील निवडले जातात.
