पहलगाम हल्ल्यानंतर पाकची झोप उडाली आहे. पाकने हल्ल्याच्या भीतीने ग्वादर बंदराची सुरक्षा वाढवली. कराची हवाई तळावर २५ चीननिर्मित जे १० सी आणि जेएफ १७ लढाऊ विमाने तैनात केली. ही विमाने हल्ल्याच्या स्थितीत काही मिनिटांत ग्वादर बंदरावर पोहोचू शकतात. सूत्रांनुसार, पाकला भारत समुद्रमार्गे मोठा हल्ला करण्याची भीती सतावत आहे. अमेरिकेकडून मिळालेले एफ १६ कॉम्बॅट सज्ज ठेवले आहेत.

दरम्यान, उत्तर व उत्तर पूर्व भागात लष्कर आणि हवाई दलाच्या हल्ल्याच्या शक्यतेने घाबरलेल्या पाकने बलुचिस्तानातील पासनी, गिलगिट बाल्टिस्तानच्या स्कार्दू आणि खैबर पख्तूनख्वाहचे स्वाॅट एअरबेस सक्रिय केले. येथून विमानांची उड्डाणे सुरू झाली. कराची-लाहोरहून स्कार्दूसाठी नागरी उड्डाणे रद्द केली आहेत. पाकचे माहिती व प्रसारण मंत्री अताउल्ला तरार यांनी रात्री सुमारे अडीच वाजता सोशल मीडिया पोस्टमध्ये दावा केला की, आम्हाला भीती आहे की, भारत २४ ते ३६ तासांत मोठा हल्ला करेल.

राष्ट्रीय सुरक्षा बोर्डाचे चेअरमन बनले जोशी

आलोक जोशी यांना राष्ट्रीय सुरक्षा सल्लागार बोर्डाचे चेअरमन बनवण्यात आले. जोशी रॉचे प्रमख राहिले आहेत. माजी एअर मार्शल पीएम सिन्हा, माजी ले. जनरल एके सिंह व माजी रिअर ॲडमिरल मोंटी खन्ना सदस्य असतील.

पाकिस्तानी विमानांसाठी भारतीय हवाई क्षेत्र बंद

भारताने पाकिस्तानी विमानांसाठी हवाई क्षेत्र बंद केले. २३ मे पर्यंत त्यांचे कोणतेही विमान भारतीय हवाई हद्दीतून जाऊ शकणार नाही. तत्पूर्वी, पंतप्रधान मोदींनी बुधवारी दुपारी सुरक्षा विषयक कॅबिनेट समितीची बैठक घेतली. तसेच राजकीय बाबींवरील मंत्रिमंडळ समिती आणि आर्थिक बाबींवरील मंत्रिमंडळ समितीच्या बैठकाही घेतल्या. दुसरीकडे, विरोधी पक्षनेते राहुल गांधी बुधवारी म्हणाले की, पहलगामच्या गुन्हेगारांना याची किंमत मोजावी लागेल, जेणेकरून कोणीही पुन्हा असे कृत्य करण्याचे धाडस करणार नाही.

भारताचा इशारा: गोळीबार केल्यास गंभीर परिणाम भोगावे लागतील

हिंदी महासागरात बुधवारी भारतीय नौदलाच्या महाकाय नौका गस्त घालताना.भारतीय नौदल हिंदी महासागराचे सुरक्षा कवच आहे. पहलगाम हल्ल्यानंतर पाकला समुद्रमार्गे हल्ल्याची भीती वाटत आहे. भारताकडे दोन विमानवाहक पोत आयएनएस विक्रमादित्य आणि आयएनएस विक्रांत आहेत. दोन्ही स्वदेशी तंत्रज्ञानाची निर्मिती (पाकिस्तानकडे एकही विमानवाहक पोत नाही). भारताने २६ एप्रिलला आयएनएस सुरत ते ७० किमीपर्यंत मारा करणाऱ्या क्षेपणास्त्राचे यशस्वी परीक्षण केले आहे.

जलशक्ती… हिंदी महासागरात भारतीय नौदल अचूक-अव्वल

भारतीय सैन्याच्या उच्चपदस्थ अधिकाऱ्यांनी पाकिस्तानला नियंत्रण रेषेवर शस्त्रसंधीचे उल्लंघन न करण्याचा इशारा दिला. हॉटलाइनवर भारताने म्हटले की, पाकिस्तानने गोळीबार थांबवावा, अन्यथा गंभीर परिणाम भोगावे लागतील. पहलगाम हल्ल्यानंतर पाकने आतापर्यंत नियंत्रण रेषेवर सहा वेळा शस्त्रसंधीचे उल्लंघन केले आहे. वाचा. देश-विदेश