थायलंडमधील फुकेत आंतरराष्ट्रीय विमानतळावर एअर इंडियाच्या विमान AI-379 चे आपत्कालीन लँडिंग करण्यात आले. विमानात बॉम्ब असल्याची माहिती मिळाली होती. विमानात 156 लोक होते. हे विमान फुकेतहून दिल्लीला येत होते.

वृत्तसंस्था रॉयटर्सने फ्लाइट ट्रॅकर ‘फ्लायट्रेडर24’ च्या हवाल्याने सांगितले की, एअर इंडियाच्या विमानाने भारतीय वेळेनुसार सकाळी 9.30 वाजता (स्थानिक वेळेनुसार दुपारी 2.30 वाजता) फुकेत विमानतळावरून उड्डाण केले. विमान अंदमान समुद्रावर एक मोठे वर्तुळ करत फिरले आणि नंतर फुकेतमध्ये आपत्कालीन लँडिंग करण्यात आले.

नेशन थायलंडने सांगितले की, बॉम्बची धमकी मिळताच, फुकेत विमानतळाने विमानतळ आकस्मिकता योजना (ACP) सक्रिय केली. विमानतळ अधिकाऱ्यांनी सांगितले की, धोक्याबाबत सर्व आवश्यक पावले उचलण्यात आली आहेत. अधिक माहिती मिळाल्यावर अपडेट देण्यात येईल.

हा विमानाचा मार्ग होता…

काल अहमदाबादमध्ये विमान अपघात झाला, २६५ मृतदेह सापडले

गुरुवारी अहमदाबादमध्ये एअर इंडियाचे विमान कोसळले. आतापर्यंत २६५ जणांचे मृतदेह बाहेर काढण्यात आले आहेत. त्यापैकी २४१ जण विमानात प्रवासी आणि क्रू मेंबर्स होते. मृतांमध्ये ५ जण विमान कोसळलेल्या वैद्यकीय वसतिगृहातील आहेत.

विमान कोसळलेल्या बीजे मेडिकल कॉलेजच्या वसतिगृहात ५० हून अधिक लोक उपस्थित होते. तथापि, वसतिगृहात किती लोकांचा मृत्यू झाला आहे हे अद्याप स्पष्ट झालेले नाही. एमबीबीएसचे ४ विद्यार्थी आणि एका डॉक्टरच्या पत्नीचा मृत्यू झाल्याचे वृत्त आहे.

एअर इंडियाचे बोईंग ७८७ ड्रीमलायनर विमान एआय-१७१ गुरुवारी दुपारी १:३८ वाजता अहमदाबादहून लंडनला निघाले. विमानात एकूण २३० प्रवासी होते, ज्यात १६९ भारतीय, ५३ ब्रिटिश, ७ पोर्तुगीज आणि एका कॅनेडियन नागरिकाचा समावेश होता. त्यानंतर अवघ्या दोन मिनिटांतच विमान कोसळले.

यामध्ये १०३ पुरुष, ११४ महिला, ११ मुले आणि २ नवजात बालकांचा समावेश होता. उर्वरित १२ जण क्रू मेंबर्स होते. गुजरातचे माजी मुख्यमंत्री विजय रुपाणी यांचाही मृतांमध्ये समावेश आहे, तर फक्त एक प्रवासी बचावला आहे.

बातमी सतत अपडेट करत आहोत..