परेश रावल हे सध्या आपल्या मुलाखतीतील एका विधानामुळे चर्चेत आहे. 27 एप्रिल रोजी लल्लनटॉपला दिलेल्या मुलाखतीत आपल्या पायाच्या दुखापतीबद्दल सांगितलं आहे. या दुखापतीवर उपाय म्हणून 15 दिवस आपली लघी प्यायले. यामुळे त्यांना होणारा त्रास लवकर बरा झाला. यापुढे परेश रावल सांगतात की, जेव्हा मी माझी लघवी प्यायचो तेव्हा मी असा विचार करायचो की, मी Beer पिअत आहे.
डॉक्टरांनी सुनावले खडेबोल
कृपया आपला मूत्र (किंवा इतर) पिऊ नका कारण बॉलिवूड अभिनेता असे म्हणतो.
पिणे मूत्र पिणे हे आरोग्यासाठी कोणतेही फायदे प्रदान करते या कल्पनेचे समर्थन करण्यासाठी कोणतेही वैज्ञानिक पुरावे नाहीत.
खरं तर, लघवीचे सेवन करणे हानिकारक असू शकते, संभाव्यत: बॅक्टेरिया, विष आणि इतर…
– Theliverdoc (@theliverdr) 27 एप्रिल, 2025
या सगळ्या व्हिडीओवर अनेक प्रतिक्रिया येत आहेत. आपली लघवी पिणे योग्य आहे की नाही यावर Liver Doc ने प्रतिक्रिया दिली आहे. Dr Cyric Abby Philips जे The Liver Doc म्हणून सोशल मीडियावर ऍक्टिव आहेत. त्यांनी ही पद्धत आंधळेपणाने फॉलो न करण्यासा सल्ला दिला आहे.
त्यांनी आपल्या ट्विटर अकाऊंटवर सांगितले आहे की,’कृपया आपली लघवी अजिबात पिऊ नका. बॉलिवूड अभिनेत्याने जे सांगितलं, त्यामध्ये कोणतेही वैज्ञानिक कारण नाही.’ ट्विट शेअर करत ही माहिती दिली आहे.
मूत्र प्यायल्यावर शरीवर काय होतो परिणाम?
शरीरातील टाकाऊ पदार्थ
मूत्रात युरिया, क्रिएटिनिन, युरिक ऍसिड आणि विषारी पदार्थ असतात, जे शरीरातून बाहेर टाकले जातात. ते पुन्हा शरीरात घेणे आरोग्यासाठी हानिकारक ठरू शकते.
मूत्रपिंडांवर अतिरिक्त दबाव
मूत्रपिंडाचे काम शरीरातील विषारी पदार्थ काढून टाकणे आहे. जर तुम्ही लघवी प्यायली तर हे विषारी पदार्थ शरीरात परत जातात, ज्यामुळे मूत्रपिंडांवर अतिरिक्त दबाव येऊ शकतो आणि मूत्रपिंड निकामी होण्याचा धोका वाढू शकतो.
मूत्रात बॅक्टेरिया आणि संसर्गाचा धोका
जर एखादी व्यक्ती आजारी असेल तर त्याच्या लघवीमध्ये बॅक्टेरिया किंवा विषाणू असू शकतात. ते पिल्याने किंवा त्वचेवर लावल्याने संसर्गाचा धोका वाढू शकतो.
त्वचेची जळजळ आणि ऍलर्जी
त्वचेवर लघवी लावल्याने काही लोकांमध्ये जळजळ, खाज सुटणे, पुरळ किंवा ऍलर्जी होऊ शकते, विशेषतः जर त्वचा संवेदनशील असेल.
डिहायड्रेशन होऊ शकते
मूत्रात मीठ आणि इतर टाकाऊ पदार्थ असतात, ज्याचे जास्त सेवन केल्याने शरीरात निर्जलीकरण आणि इलेक्ट्रोलाइट असंतुलन होऊ शकते.
युरिन थेरपीबद्दल अनेक गैरसमज आहेत, परंतु विज्ञानानुसार ते आरोग्यासाठी सुरक्षित नाही. मूत्रात हानिकारक विषारी पदार्थ आणि बॅक्टेरिया असू शकतात, जे दीर्घकाळ सेवन केल्यास गंभीर आजार होऊ शकतात.
