बोगस आयएएस अधिकारी कल्पना भागवतला अटक झाल्याची कुणकुण लागताच केंद्रीय गृहमंत्र्यांचा तोतया ओसडी डिम्पीने मोबाइलमधील डेटा डिलिट केल्याचे समोर आले आहे. त्याने डिलिट केलेला डेटा रिकव्हर करण्यासाठी सायबर पोलिसांची टीम कार्यरत आहे. मात्र त्यांना गेल्या चा
.
कल्पना गेल्या ६ महिन्यांपासून हॉटेल ॲम्बेसेडरमध्ये वास्तव्यास होती. इथे राहण्यासाठी तिने दिलेल्या आधार कार्डवर खाडाखोड केलेली आहे. त्यामुळे तिला हॉटेलची रुम देताना असलेल्या कर्मचाऱ्यासह वरिष्ठ अधिकारी देखील सिडको पोलिसांच्या रडारवर आले आहेत. गुरुवारी त्यांनाही सिडको पोलिस ठाण्यात हजर राहण्याचे आदेश देण्यात आले होते. त्यांची गुरुवारी दिवसभर चौकशी करण्यात आली आहे. कल्पनाला हॉटेलमध्ये राहण्यासाठी तसेच तिथून काही कामे करण्यासाठी हॉटेलमधून कोणी मदत करत होते का यदृष्टीने देखील पोलिसांनी तपासाची सूत्रे हलवली असल्याचे समोर आले आहे.
स्टेटस जपण्यासाठी बॉलीवूड अभिनेत्रीच्या शुभेच्छा
केंद्रीय गृहमंत्री अमित शाहांचा तोतया ओएसडी डिम्पी हरजाई याचे मूळ काम चालकाचे आहे. केंद्रातील एका उच्चपदस्थ अधिकाऱ्याचा तो चालक आहे. फेसबुकवर ॲक्टिव्ह डिम्पीने एका बॉलीवूड अभिनेत्रीकडून वाढदिवसाच्या शुभेच्छादेखील विकत घेतल्याचे सांगितले जाते. हा सर्व खटाटोप त्याने ओएसडीचे स्टेटस जपण्यासाठीच केल्याचे दिसते.






















