तेलंगणातून जळगावच्या दिशेने निघालेले एक दाम्पत्य अर्ध्या रस्त्यातून गूढपणे बेपत्ता झाल्याची घटना समोर आली आहे. या दाम्पत्याचे शेवटचे लोकेशन बुलढाणा जिल्ह्यातील वडनेर गावालगत आढळले. त्यामुळे त्यांचा घातपात झाल्याचा संशय व्यक्त केला जात आहे. पोलिस सध्य
.
या प्रकरणी रमेश पाटील यांनी नांदुरा पोलिस ठाण्यात तक्रार दाखल केली आहे. त्यांच्या तक्रारीनुसार, त्यांचे चुलतबंधू पद्मसिंह दामू पाटील हे तेलंगणात त्यांची पत्नी नम्रता व मुलीसह राहतात. ते तेलंगणा राज्यातील सीतापुरम येथील एका खासगी सिमेंट कंपनीत नोकरीस आहेत. 27 नोव्हेंबर रोजीस काळी 6 च्या सुमारास पद्मसिंह आपली पत्नी व मुलीसह घरच्या लग्नासाठी जळगावला येण्यासाठी निघाले. ते त्यांच्या कारने गावी येत होते. सकाळी घरून निघाल्यानंतर त्यांचे त्यांच्या भावाशी बोलणे झाले. त्यानंतर रात्री 10 वाजेपर्यंत ते घरी पोहोचणे अपेक्षित होते.
वडनेर भोलजी गावालगत तुटला संपर्क
पण रात्रीचे 10 वाजले तरी ते घरी पोहोचले नाही. आणखी काही वेळ वाट पाहून रमेश यांनी पद्मसिंह यांना फोन करण्याचा प्रयत्न केला. पण त्यांचा मोबाईल बंद येत होता. त्यानंतर त्यांनी त्यांची वहिणी तथा पद्मसिंह यांची पत्नी नम्रता यांना फोन केला. त्यांचाही फोन बंद येत होता. त्यानंतर कालपर्यंत म्हणजे 28 नोव्हेंबरपर्यंत नातेवाईकांनी त्यांचा फोन ट्राय केला. त्यांचा शोध घेतला. पण ते सापडले नाही. अखेर त्यांनी पोलिसांकडे धाव घेऊन ते बेपत्ता झाल्याची तक्रार दाखल केली. त्यानंतर पोलिसांनी त्यांचा शोध सुरू केला. त्यात बेपत्ता दाम्पत्याचे शेवटचे लोकेशन बुलढाणा जिल्ह्यातील खामगाव ते मलकापूर दरम्यान महामार्गावर असणाऱ्या वडनेर गावालगत आढळले.
वडनेर भोलजी येथूनच त्यांचा संपर्क तुटला. त्यामुळे आता पोलिस वडनेर परिसरात या दाम्पत्याचा शोध घेत आहेत. त्यांनी या दाम्पत्याचा घातपात झाल्याचाही संशय व्यक्त केला आहे. या घटनाक्रामुळे पद्मसिंह यांच्या कुटुंबीय व नातेवाईकांत भीतीचे सावट पसरले आहे.
जळगाव शहरात चादर गँगचा धुमाकूळ
दुसरीकडे, जळगाव शहरात चादर गँगने धुमाकूळ घातला आहे. या गँगमध्ये काही मुलींचाही समावेश आहे. या गँगने शहरातील सावखेडा भागातीलवर्धमान सीबीएससी इंग्लिश मीडियम स्कूल, जी एच रायसोनी पब्लिक स्कूल, गुरुकुल किड्स व शानबाग विद्यालय या 4 शाळांना लक्ष करून 2 लाख रुपयांची रोकड लंपास केली. ही रोकड विद्यार्थ्यांची फी व शिष्यवृत्तीची असल्याचे सांगण्यात येत आहे. या प्रकरणी जळगाव तालुका पोलिस ठाण्यात गुन्हा दाखल करण्यात आला आहे.






















