पुणे ग्रामीण पोलिसांनी कौटुंबिक वादातून झालेल्या खुनाचा तपास यशस्वीपणे पूर्ण केला आहे. वडगाव बुद्रुक येथील संतोष उर्फ प्रमोद रघुनाथ पासलकर (४०) यांच्या खुनाप्रकरणी दोन आरोपींना अटक करण्यात आली आहे.
?
संतोष भिकू पिसाळ (४३) आणि अनिकेत चंद्रकांत पिसाळ (२९) या दोघांना पोलिसांनी ताब्यात घेतले आहे. मृत पासलकर आणि आरोपी संतोष पिसाळ हे साडू होते. पासलकर दारूच्या नशेत पत्नीला मारहाण करत असे. पिसाळ नेहमी त्यांच्या भांडणात मध्यस्थी करायचा.
२३ एप्रिल रोजी पासलकरने पत्नीला मारहाण केल्यानंतर पिसाळ भांडण सोडवण्यासाठी आला. रात्री सोसायटीच्या पार्किंगमध्ये दोघांमध्ये वाद झाला. पिसाळ आणि त्याचा नातेवाईक अनिकेत यांनी पासलकरच्या डोक्यात गज मारून त्याचा खून केला.
आरोपींनी मृतदेह मोटारीतून भोर परिसरातील वरंधा घाटात नेऊन फेकला. स्थानिक गुन्हे शाखेने शिर-विरहित मृतदेह पाहिला आणि पोलिसांना कळवले. गुन्हे शाखेच्या खबऱ्याने दिलेल्या माहितीवरून पोलिसांनी पिसाळला ताब्यात घेतले. चौकशीत त्याने गुन्ह्याची कबुली दिली.ग्रामीण पोलिसांच्या स्थानिक गुन्हे शाखेकडून या प्रकरणाचा समांतर तपास करण्यात येत होता. कौटुंबिक वादातून पिसाळने साडू पासलकर याचा खून केल्याची माहिती खबऱ्याने गुन्हे शाखेतील पोलीस कर्मचारी अमोल शेडगे यांना दिली. त्यानंतर पोलिसांनी पिसाळला संशयावरुन चौकशीसाठी ताब्यात घेतले. चौकशीत पिसाळने पासलकरचा कौटुंबिक वादातून खून केल्याची कबुली दिली.
पोलिस अधीक्षक पंकज देशमुख, अतिरिक्त अधीक्षक गणेश बिरादार, उपविभागीय अधिकारी तानाजी बरडे यांच्या मार्गदर्शनाखाली स्थानिक गुन्हे शाखेचे पोलिस निरीक्षक अविनाश शिळीमकर, सहायक पोलिस निरीक्षक दत्ताजीराव मोहिते, सहायक फौजदार हनुमंत पासलकर, हवालदार अमोल शेडगे, बाळासाहेब खडके, मंगेश भगत, धीरज जाधव, धर्मवीर खांडे यांनी ही कामगिरी केली.
