सांस्कृतिक (भविष्यवाणी) : बाबा वेंगानंतर जगातील अजून महान संदेष्ट्यांपैकी एक मानले जाणारे नोस्ट्राडेमस यांनी 2025 बद्दल धोकादायक आणि भयानक भविष्यवाणी केली आहे. नोस्ट्राडेमस यांनी मृत्यूपूर्वी त्यांनी येणाऱ्या भविष्याबद्दल अनेक भाकित केले आहे. त्यातील सर्वात धक्कादायक म्हणजे 2025 हे जगासाठी कठीण असणार आहे. विशेष म्हणजे नोस्ट्राडेमस यांनी कवितेतून भविष्यातील संकटांचं भाकीत केलं आहे. नेमकं त्यांनी काय भाकीत केलं आहे पाहूयात.
युद्धाबद्दलची भविष्यवाणी
एका वृत्तानुसार, फ्रेंच ज्योतिषी नोस्ट्राडेमस यांनी 2025 बद्दल सांगितले होते की, या वर्षात अनेक युद्धे होतील आणि अशांतता पसरेल. त्यांनी म्हटलं होतं की जगाच्या आत आणि बाहेरील शत्रू डोकं वर काढतील आणि नंतर खूप भयानक युद्धे होतील. जर आपण त्यांच्या भाकिताकडे पाहिले तर हे सर्व स्पष्टपणे दिसून येतं. त्यांचं हे भाकीत भारत पाकिस्तान यांच्यामधील तणावाबद्दलही जोडलं जातंय.
दीर्घकालीन आजाराचे पुनरागमन
याशिवाय, त्यांनी जुन्या आजारांच्या परत येण्याबद्दलही एक मोठी भविष्यवाणी केली आहे. असं म्हटलं जातं की प्लेगसारखे भयानक आजार पुन्हा इंग्लंडमध्ये परत येणार आहे. नॉस्ट्राडेमसच्या मते, ‘एक जुनी महामारी परत येईल जी आकाशाखालील सर्वात धोकादायक शत्रू ठरणार आहे.’
खगोलशास्त्रीय भाकीत
याशिवाय, त्यांनी खगोलीय आपत्तीबद्दल मोठे संकेत देखील दिले होते. एका वृत्तानुसार, त्यांच्या एका कवितेत त्यांनी ‘अग्नीचा गोळा’ उल्लेख केला आहे जो विश्वातून येईल आणि पृथ्वीवर विनाश घडवेल, असा उल्लेख आहे.
घाबरायची गरज नाही!
या सर्व भाकिते वाचल्यानंतर घाबरून जाण्याची गरज नाही. कारण जोपर्यंत कोणतेही भक्कम वैज्ञानिक पुरावे उपलब्ध नाहीत तोपर्यंत अशा भाकिते घाबरू नयेत. पण, काही अहवालांमध्ये असा दावा देखील केला जातो की त्यांच्याद्वारे केलेल्या अनेक भाकिते खऱ्या ठरल्या आहेत. तो दावा काय पाहूयात.
या नॉस्ट्राडेमसच्या भविष्यवाण्या ठरल्या खऱ्या!
नॉस्ट्राडेमसच्या भविष्यवाण्या त्याच्या कवितांशी जोडल्या गेल्या आहेत. त्याच्या अनेक कविता नंतर जगात घडलेल्या प्रमुख घटनांशी जोडल्या गेल्या आहेत. जसे की: फ्रेंच राज्यक्रांती, अॅडॉल्फ हिटलरचा उदय, 9/11 हल्ला, अमेरिकेचे अध्यक्ष जॉन एफ. केनेडी यांची हत्या. तथापि, आम्ही पुन्हा एकदा सांगू की त्याच्या कविता खूप अस्पष्ट होत्या, ज्यामुळे पूर्णपणे अचूक अर्थ लावता येत नव्हते. म्हणजेच, त्याच्या कवितांमधून अनेक वेगवेगळे लोक स्वतःचे अर्थ काढू शकतात.
नॉस्ट्राडेमस कोण होता?
नोस्ट्राडेमस (मिशेल डी नोस्ट्रेडेम) हा फ्रेंच ज्योतिषी म्हणून ओळखले जातात. पण, ते एक डॉक्टर आणि लेखक देखील होते, त्यांच्या जन्म 1503 मध्ये झाला आणि ते 1566 पर्यंत जगले. असं म्हटलं जातं की त्यांनी ‘लेस प्रोफेटीज’ नावाचं एक पुस्तक लिहिलंय. या पुस्तकात सुमारे 1000 लहान कविता आहेत आणि या कवितांमध्ये सांगितलेल्या गोष्टी भविष्यवाणीशी जोडल्या जातात.
