अहमदाबाद विमान क्रॅश: आकाश वत्स नावाच्या एका व्यक्तीने जे विमान क्रॅश झाले होते त्याच एअर इंडियाच्या बोईंग 787-8 ( Air India Boeing 787-8) विमानाने त्याने काही तासाआधी प्रवास केल्याचे सांगितले आहे. त्याने एक व्हिडीओही शेअर केला आहे. उद्योजक आकाश वत्सा यांनी सोशल मीडियावर पोस्ट करत सांगितलं, “मी ज्या विमानात प्रवास केला, तेच विमान दोन तासांनी अपघातग्रस्त झालं. त्यांनी दिल्ली ते अहमदाबाद (DEL-AMD) असा प्रवास केला होता. विमानात काही विचित्र गोष्टी जाणवल्या होत्या. मी त्यावेळी एक व्हिडीओही काढला होता, @airindia ला टॅग करून पोस्ट करायचा विचार करत होतो. मला अजूनही बरीच माहिती द्यायची आहे.”
वत्सा यांनी शेअर केलेल्या व्हिडीओमध्ये प्रवाशांचा अस्वस्थ चेहरा, विमानातील बंद एसी आणि बंद पडलेली इन-फ्लाइट एंटरटेनमेंट सिस्टीम स्पष्ट दिसत आहे.
हे ही वाचा: पायलटला आकाशात मार्ग कसा समजतो? जाणून घ्या
“आमचं विमान टेकऑफसाठी सज्ज होतं, पण एसी अजिबात चालू नव्हता. लोक घामाघूम होते. स्क्रीनही बंद होत्या. लाईट्स सुद्धा लागत नव्हते. हीच सेवा तुम्ही देत आहात?” असा सवाल वत्सा यांनी व्हिडीओत केला आहे.
मी एएमडीपासून बंद होण्याच्या 2 तास आधी त्याच वाईट फ्लाइटमध्ये होतो. मी यात डेल-एएमडी कडून आलो. त्या ठिकाणी असामान्य गोष्टी लक्षात आल्या. ट्विट करण्यासाठी व्हिडिओ तयार करा @एरिंडिया मला अधिक तपशील द्यायचा आहे. कृपया माझ्याशी संपर्क साधा. @फ्लाइंगबीस्ट 320 @Aajtak @एनडीटीव्ही @Boeing_in #प्लॅनक्रॅश # एआय 171 pic.twitter.com/tymtfsfqjo
– आकाशचे पोट (@बॅटरी 92) 12 जून, 2025
त्यांची ही पोस्ट अवघ्या दोन तासांत चार लाखांहून अधिक लोकांनी पाहिली आहे. यानंतर त्यांनी स्पष्ट केलं की, परतीचा प्रवास त्यांनी एअर इंडियामधून केला नाही.
जय श्री राधे कृष्णा जी
ज्या लोकांना विश्वासार्हता तपासायची होती. येथे माझा बोर्डिंग पास आहे. यार, मी प्रथम त्याच विमानाचा व्हिडिओ का रेकॉर्ड करू आणि नंतर तो पोस्ट का करू?
आजूबाजूला नकारात्मक लोक आहेत. pic.twitter.com/yxt6quiuis
– आकाशचे पोट (@बॅटरी 92) 12 जून, 2025
काय घडलं नेमकं Boeing 787-8 विमानाचं?
एअर इंडियाचं अहमदाबादहून लंडनकडे जाणारं AI171 हे विमान, दुपारी साडेएकच्या सुमारास टेकऑफ केल्यानंतर काही वेळातच मेघाणीनगर भागात कोसळलं. या अपघातानंतर परिसरात मोठा धूर आणि आगीचे लोट दिसून आले.
हे ही वाचा: विमानात 200 प्रवासी अन् अचानक बेशुद्ध पडला पायलट, पुढे काय झालं? जाणून घ्या
एअर इंडिया (Air India) ने अधिकृतपणे अपघाताची कबुली दिली आहे. “AI171 फ्लाइट जी अहमदाबादहून लंडन गॅटविकसाठी रवाना झाली होती, ती आज दुपारी अपघातग्रस्त झाली. या Boeing 787-8 विमानात एकूण 242 प्रवासी आणि कर्मचारी होते. त्यात 169 भारतीय, 53 ब्रिटिश, एक कॅनडियन आणि सात पोर्तुगीज नागरिक होत,” असं एअर इंडियाने म्हटलं आहे.
हे ही वाचा: 137 प्रवासी, 32 तास आकाशात फिरत राहिले फ्लाइट… काळजाचा ठोका चुकवणारी घटना
घटनास्थळी तातडीने बचावकार्य सुरू करण्यात आलं. अनेक जखमींना अहमदाबाद सिव्हिल हॉस्पिटलमध्ये दाखल करण्यात आलं आहे.
