Ind vs ENG व्हिडिओ: शुभमन गिलच्या नेतृत्वाखाली भारतीय संघ इंग्लंडविरुद्धच्या आगामी कसोटी मालिकेसाठी सज्ज झाला आहे. पाच सामन्यांच्या या कसोटी मालिकेची सुरुवात 20 जूनपासून लंडनच्या ऐतिहासिक लॉर्ड्स मैदानावर होणार आहे. मालिकेआधीच टीम इंडियाने नेट्समध्ये घाम गाळायला सुरुवात केली आहे. त्यांच्या या सर्व सत्राचा बीसीसीआयने नुकताच एक व्हिडीओ सोशल मीडियावर शेअर केला आहे. यामध्ये सराव सत्राची झलक बघायला मिळत आहे.
BCCI चा व्हिडीओ सोशल मीडियावर चर्चेत
या व्हिडीओत मोहम्मद सिराज, प्रसिद्ध कृष्णा, शुभमन गिल, ऋषभ पंतसह अनेक खेळाडू नेट्समध्ये सराव करताना दिसत आहेत. मुख्य प्रशिक्षक गौतम गंभीर प्रत्येक खेळाडूवर बारकाईने लक्ष ठेवताना आढळतात. मैदानावर खेळाडूंमध्ये एक वेगळाच उत्साह दिसून येतोय.
चे पहिले दृष्टी #Teamindia इंग्लंडमध्ये खोबणीत जाणे #ENGVIND pic.twitter.com/tzdhail9wv
– बीसीसीआय (@बीसीसीआय) 8 जून, 2025
गिल-पंत यांच्यावर मोठी जबाबदारी
या दौऱ्यासाठी भारतीय संघाचे नेतृत्व युवा फलंदाज शुभमन गिलकडे सोपवण्यात आले आहे. याशिवाय ऋषभ पंतला उपकर्णधारपद देण्यात आले आहे. रोहित शर्मा आणि विराट कोहली यांच्या कसोटी क्रिकेटमधून निवृत्तीनंतर ही पहिली मोठी मालिका असल्यामुळे गिलपुढे एकप्रकारे नवीन आणि युग खेळाडूंसह ही मालिका खेळणे हे एक मोठं आव्हान आहे.
गंभीर आणि गिलची जोडी
गंभीर आणि गिल ही नवी जोडी भारताला 18 वर्षांनंतर इंग्लंडच्या भूमीवर ऐतिहासिक कसोटी मालिका जिंकून देईल का? हा प्रश्न सर्वांच्या मनात आहे. भारताने शेवटची कसोटी मालिका इंग्लंडमध्ये 2007 मध्ये जिंकली होती, जेव्हा राहुल द्रविड संघाचा कर्णधार होता. त्यानंतर चार दौऱ्यांमध्ये भारताला पराभवचं बघावा लागला आहे.
भारतीय संघात नव्या चेहऱ्यांना संधी
या मालिकेसाठी भारतीय संघात काही नवे चेहरेही आहेत. साई सुदर्शन, अभिमन्यू ईश्वरन, नीतीश रेड्डी यांच्यासारख्या युवा खेळाडूंना संधी देण्यात आली आहे. तर अनुभवी खेळाडू जसप्रीत बुमराह, रवींद्र जडेजा, शार्दूल ठाकूर आणि कुलदीप यादव हे महत्त्वाचे आधारस्तंभ असतील.
इंग्लंडविरुद्ध कसोटी मालिकेसाठी भारतीय संघ
शुबमन गिल (कर्नाधार), यशसवी जयस्वाल, के.एल. राहुल, साई सुदर्शन, अभिमन्यू ईश्वरन, करुन नायर, ish षभ पंत (उपाधारीधर), ध्रुव ज्युरेल, नितीश रेड्डी, शार्डुल ठाकूर, रवींद्र जडेजा, वॉशिंग्टन सुंदार, जसप्रीत बुमरा, मोहमद सिराज
