राणी रात्री: इतिहासाची पुस्तके मनोरंजक कथांनी भरलेली आहेत. अशाच एका कथेबद्दल जाणून घेऊया जी वाचून तुम्हाला आश्चर्याचा धक्का बसेल. आफ्रिकन देश अंगोलाची राणी न्झिंगा म्बांडीची ही कहाणी आहे. जिच्या बुद्धिमत्तेच्या कथा प्रचलित आहेत. ती ज्यांच्याशी शारीरिक संबंध ठेवत असे त्यांनाच आगीत ढकलत असे, म्हणजेच ती त्यांना जाळून टाकत असे, असेदेखील राणी न्झिंगा म्बांडीबद्दल सांगितले जाते.राणी न्झिंगा म्बांडी कोण होती? तिचे काय कारनामे इतिहासात प्रचलित आहेत? हे जाणून घेऊया.
राणी न्झिंगा नैऋत्य आफ्रिकेतील अँडोंगो आणि मातांबा प्रदेशांवर राज्य करत असे. ती ज्या जमातीची होती त्याला म्बांडो असे म्हणतात. त्यावेळी अँडोंगाला स्थानिक भाषेत ‘अंगोला’ असे म्हणतात. नंतर हे नाव संपूर्ण परिसरात प्रसिद्ध झाले आणि त्या देशाला अंगोला म्हणून ओळखले जाते.
पुरुष घालायचे महिलांचे कपडे
राणी न्झिंगा बद्दल अनेक प्रकारच्या कथा लोकप्रिय आहेत. काही तिच्या वैयक्तिक आयुष्याशी संबंधित आहेत. बीबीसीने दिलेल्या वृत्तानुसार, फ्रेंच तत्वज्ञानी मार्क्विस डी साडे यांनी त्यांच्या ‘द फिलॉसॉफी ऑफ द ड्रेसिंग टेबल’ या पुस्तकात यापैकी काही कथा लिहिल्या आहेत. या कथांनुसार ‘राणी न्झिंगा तिच्या राजवाड्यात एक विशेष जागा ठेवत असे, ज्यामध्ये अनेक पुरुष राहत असत. या विशेष ठिकाणी राहणाऱ्या पुरुषांना महिलांचे कपडे घालावे लागायचे असे म्हटले जाते.
राणीसोबत झोपण्यासाठी कुस्ती
जेव्हा राणीला एखाद्या पुरुषाशी लैंगिक संबंध ठेवावे लागत होते, तेव्हा ते पुरुष आपापसात भांडत असत. हे तेच पुरुष असत जे महिलांच्या कपड्यात असत. आपापसात कुस्ती करुन जिंकणाऱ्या पुरुषासोबत राणी रात्र घालवत असे. यापेक्षा धक्कादायक घटना पुढे घडत असे. रात्र घालवल्यानंतर म्हणजेच लैंगिक संबंध ठेवल्यानंतर त्या पुरुषाला जिवंत जाळले जात असे.काही इतिहासकार अशा दाव्यांच्या सत्यतेला दुजोरा देत नाहीत, असेही बीबीसीच्या वृत्तात म्हटलंय.
इतिहासकार काय म्हणतात?
राणी न्झिंगा म्बांडेच्या आयुष्याचे अनेक पैलू आहेत. तिला अनेक वेगवेगळ्या स्वरूपात सादर केलं गेलंय, असे इतिहासकार सांगतात. तिला एक शूर आणि बुद्धिमान राणी म्हणूनही ओळखले जाते. याशिवाय तिच्याबद्दल काही कथा आहेत ज्या राणीला क्रूर शासक म्हणून सादर करतात. राणी न्झिंगाचे वास्तव काय होते? हे पूर्णपणे स्पष्ट नाही. पण ती निश्चितच इतिहासातील सर्वात रहस्यमय महिलांपैकी एक होती, असे म्हटले जाते.
