इंडियन प्रीमियर लीग (IPL) ही जगातील सर्वात श्रीमंत टी-२० क्रिकेट लीग आहे. आयपीएलला प्रत्येक सीजन नेहमीच खूप खास राहिला आहे. खेळाडू, खेळ, मैदान आणि अन्य गोष्टीसोबत आयपीएलमध्ये सर्वात जास्त चर्चेत असलेली गोष्ट म्हणजे त्याची चमकणारी ट्रॉफी. आयपीएल ट्रॉफीचे सौंदर्य तर फारच आहे. तिची सुंदर रचना आणि भव्यता ही नेहमीच चर्चेचा विषय ठरते. पण कधी तुम्ही विचार केला आहे का की, ही ट्रॉफी बनवायला किती खर्च येतो? आणि खरंच, ती सोन्याची असते का?
आयपीएल ट्रॉफी सोन्यापासून बनते?
आयपीएलची ही ट्रॉफी सोनेरी रंगात चमकत असते. मग अशावेळी असा प्रश्न पडतो की ही ट्रॉफी सोन्याची असते का? तर ती ट्रॉफी संपूर्ण सोन्याची नसून, त्यामध्ये चांदी, अॅल्युमिनियम आणि काही इतर धातूंचा वापर केला जातो. मात्र तिच्यावर शुद्ध सोन्याची पॉलिश केली जाते. याच कारणामुळे ती इतकी आकर्षक आणि चकचकीत दिसते. साधारणपणे या ट्रॉफीचे वजन सुमारे 6 किलो असते आणि तिची उंची 26 इंच आहे.
हे ही वाचा: IPL चा एक सामना हरल्यावर किती रुपयांचं नुकसान होतं? समजून घ्या ‘कोट्यवधींचं गणित’
किंमत ऐकून व्हाल थक्क
आयपीएल ट्रॉफीची नेमकी किंमत अधिकृतरीत्या कधीच जाहीर करण्यात आलेली नाही. पण अनेक अहवालांनुसार या ट्रॉफीची किंमत 30 लाख ते 50 लाख रुपयांच्या दरम्यान असू शकते. भारतातील प्रसिद्ध दागिन्यांच्या ब्रँड ORRA कडून ही ट्रॉफी बनवली जाते. 2008 पासून ही ट्रॉफी ते डिझाईन करत आहेत.
हे ही वाचा: IPL 2025 जिंकणाऱ्या संघाला किती मिळणार बक्षिसाची रक्कम? Playoff मधील संघांनाही मिळणार भरघोस पैसे
वर्ल्ड कप ट्रॉफी स्वस्त की आयपीएलची?
ग्लोबल स्तरावर सर्वात मोठ्या मानल्या जाणाऱ्या वनडे क्रिकेट वर्ल्ड कप ट्रॉफीची किंमत अंदाजे 30,000 डॉलर्स म्हणजेच सुमारे 26 लाख रुपये इतकी आहे. एवढी किंमत असूनही यामध्येही आयपीएल ट्रॉफी किंमतीच्या बाबतीत पुढे असल्याचं दिसून येतं आहे. आजकाल आयपीएल ट्रॉफी ही फक्त विजेत्यांचा सन्मान नसून, संपूर्ण लीगच्या ग्लॅमर आणि मार्केटिंगचं प्रमुख आकर्षण बनली आहे. यंदाच्या सिजनमध्ये ही ट्रॉफी कोणता संघ उंचवणार हे बघणे रंजक ठरेल.
