ग्रामीण बांधकाम विभागाचे मुख्य अभियंता यांच्या निवासस्थानी दक्षता विभागाचे लोक येत आहे हे समजतातच खिडकीतून नोटांचा पाऊस पडायला लागला. या अभियंताच्या घरातील घबाड पाहून अधिकारीही चक्रावले. ही धक्कादायक बातमी आहे, ओडिशातील भुवनेश्वरमधील. ग्रामीण बांधकाम विभागाचे मुख्य अभियंता बैकुंठनाथ सारंगी यांच्या निवासस्थानी छापा टाकण्यात आला. यावेळी, पथकाने घटनास्थळावरून 2.1 कोटी रुपयांची बेहिशेबी रोकड जप्त केली आहे. बेहिशेबी मालमत्तेच्या तक्रारींच्या आधारे ही कारवाई करण्यात आली, ज्यामध्ये भुवनेश्वर, अंगुल आणि पुरी जिल्ह्यांमध्ये एकाच वेळी छापे टाकण्यात आले.
मिळालेल्या माहितीनुसार, जेव्हा दक्षता पथक भुवनेश्वरमधील पीडीएन एक्झोटिका (डमडुमा) येथील मुख्य अभियंता बैकुंठनाथ सारंगी यांच्या फ्लॅटवर पोहोचले तेव्हा सारंगीने 500 रुपयांच्या नोटा खिडकीतून बाहेर फेकल्या. पथकाने तात्काळ कारवाई केली आणि साक्षीदारांच्या उपस्थितीत फेकलेले पैसे जप्त केले.
#वॉच | भुवनेश्वर: ओडिशा दक्षता विभागाने ओडिशा रूरल वर्क्स विभागातील मुख्य अभियंता, बायकुंटा नाथ सारंगी यांच्या 7 ठिकाणी शोध घेतला
भुवनेश्वरमधील त्याच्या फ्लॅटमधून सुमारे 1 कोटी रुपये जप्त करण्यात आले आहेत, तर त्याच्याकडून सुमारे 1.1 कोटी रुपये जप्त करण्यात आले आहेत… pic.twitter.com/n8mqxyfu0l
– वर्षे (@अनी) 30 मे, 2025
नोटा मोजण्यासाठी मशीन मागवली!
दक्षता विभागाच्या म्हणण्यानुसार, सारंगीच्या ज्या मालमत्तांची झडती घेण्यात आली त्यात कराडगडिया (अंगुल) येथील एक दुमजली घर, भुवनेश्वरमधील दुमडुमा येथील एक फ्लॅट आणि पुरीमधील सिउला येथील आणखी एक फ्लॅटचा समावेश आहे. जप्त केलेल्या एकूण रोख रकमेपैकी 1 कोटी रुपये सारंगीच्या भुवनेश्वरमधील फ्लॅटमधून जप्त करण्यात आले . तर अंगुल येथील त्याच्या निवासस्थानातून 1.1 कोटी रुपये जप्त करण्यात आले. अधिकाऱ्यांनी नोटा मोजण्यासाठी चलन मोजणी यंत्रांचा वापर केला. दक्षता विभागाच्या मते, छाप्यादरम्यान एवढ्या मोठ्या प्रमाणात रोख रक्कम जप्त होणे हे भ्रष्टाचाराचे गंभीर प्रकरण आहे. विभाग आता या प्रकरणाची अधिक चौकशी करत आहे. आता सारंगीने ही मालमत्ता कशी मिळवली हे शोधण्याचे प्रयत्न सुरू आहेत.
एकूण 7 ठिकाणी एकाच वेळी टाकलेल्या छाप्यात 8 उपअधीक्षक, 12 निरीक्षक, 6 एएसआय आणि इतर अधिकारी सहभागी होते. विशेष न्यायाधीश (दक्षता) अंगुल यांनी जारी केलेल्या शोध वॉरंटनुसार ही कारवाई करण्यात आली. सारंगी यांच्या कार्यालयाची (मुख्य अभियंता, आरडी प्लॅनिंग अँड रोड, भुवनेश्वर) देखील झडती घेण्यात आली. दक्षता अधिकाऱ्यांचे म्हणणे आहे की ही फक्त प्राथमिक जप्ती आहे आणि छापे अजूनही सुरू आहेत. सारंगी यांच्या जंगम आणि अचल मालमत्तेचे मूल्यांकन केले जात आहे.
