आयपीएल 2025: आयपीएल 2025 चा क्वालिफायर 1 सामना गुरुवार 29 मे रोजी पंजाब किंग्स विरुद्ध रॉयल चॅलेंजर्स बंगळुरू (Punjab Kings VS Royal Chellengers Bengluru) यांच्यात खेळवला गेला. महाराजा यादविंद्र सिंह इंटरनेशनल क्रिकेट स्टेडियम पंजाब येथे हा सामना पार पडला असून यात रॉयल चॅलेंजर्स बंगळुरूने 8 विकेटने पंजाबवर विजय मिळवला. यासह त्यांनी थेट फायनलमध्ये धडक दिली आहे. टॉप 2 वर असणाऱ्या पंजाब किंग्सच्या फलंदाजांचा परफॉर्मन्स फ्लॉप ठरला. तीन फलंदाज वगळता इतर फलंदाजांना दोन अंकी धावसंख्या सुद्धा करता आली नाही त्यामुळे 101 धावांवर आरसीबीने त्यांना ऑल आउट केले. यासह पंजाब संघाच्या नावावर आयपीएलमध्ये नकोसा विक्रम नोंदवण्यात आला असून आयपीएलच्या इतिहासात 2008 नंतर पहिल्यांदाच असं घडलं.
पंजाब किंग्सची बॅटिंग गडगडली :
महाराजा यादविंद्र सिंह इंटरनेशनल क्रिकेट स्टेडियम पंजाब येथे पंजाब किंग्स विरुद्ध रॉयल चॅलेंजर्स बंगळुरू यांच्या कर्णधारांमध्ये सामन्यापूर्वी टॉस झाला. हा टॉस आरसीबीने जिंकून गोलंदाजी निवडली तर पंजाबला प्रथमी फलंदाजीचे आव्हान दिले. रॉयल चॅलेंजर्स बंगळुरूच्या गोलंदाजांनी पंजाब किंग्सच्या एकही फलंदाजाला फारकाळ मैदानात टिकू दिले नाही. पंजाबकडून सर्वाधिक धावा प्रभसिमरन सिंह (18), मार्कस स्टोनिस (26) आणि अझमतुल्लाह उमरझाई (18) यांनी केल्या. तर उर्वरित फलंदाजांना दोन अंकी धावसंख्या सुद्धा करता आली नाही. रॉयल चॅलेंजर्स बंगळुरूच्या गोलंदाजांपैकी पंजाबच्या सर्वाधिक प्रत्येकी ३ विकेट सुयश शर्मा आणि जॉश हेजलहूडने घेतल्या. यश दयालने 2 आणि भुवनेश्वर कुमार तसेच रोमॅरियो शेफर्डने प्रत्येकी 1 विकेट घेतली. आरसीबीच्या गोलंदाजांनी पंजाब किंग्सला 14.1 ओव्हरमध्ये 101 धावांवर ऑल आउट केले. त्यामुळे आरसीबीला विजयासाठी 102 धावांचे आव्हान मिळाले होते.
हेही वाचा : RCB ने रचला इतिहास, IPL प्लेऑफमध्ये अशी कामगिरी करणारी ठरली पहिली टीम
नकोसा विक्रम केला नावावर :
आरसीबीच्या गोलंदाजांनी पंजाब किंग्सला 14.1 ओव्हरमध्ये 101 धावांवर ऑल आउट केले. आयपीएलच्या इतिहासात असं प्रथमच घडलं जेव्हा कोणताही संघाने प्लेऑफ सामन्यात इतक्या कमी ओव्हर्स खेळला. पंजाब किंग्स केवळ 14.1 ओव्हर खेळू शकले. यापूर्वी 2008 मध्ये प्लेऑफ सामन्यात दिल्ली कॅपिटल्सने राजस्थान रॉयल्स विरुद्ध 16.1 ओव्हर खेळल्या होत्या. यासह पंजाब किन्हस प्लेऑफमध्ये सर्वात कमी धावा करणारा चौथा संघ ठरला आहे. याआधी 2010 मध्ये डेक्कन चार्जर्सने आरसीबीविरुद्ध 82 धावा, 2008 मध्ये दिल्ली कॅपिटल्सने राजस्थान रॉयल्स विरुद्ध 2008 मध्ये 87 धावा, 2023 मध्ये लखनऊ सुपर जायंट्सने 2023 मध्ये मुंबई इंडियन्सविरुद्ध 101 धावा केल्या होत्या. आता 2025 मध्ये पंजाब किंग्सने आरसीबीविरुद्धच्या सामन्यात 101 धावा केल्या आहेत.
RCB ची चौथ्यांदा फायनलमध्ये धडक :
पंजाब किंग्सने आरसीबीला विजयासाठी 102 धावांचे आव्हान दिले होते. हे आव्हान आरसीबीने 8 विकेट राखून पूर्ण करत सामना जिंकला. यात आरसीबीकडून फलंदाज फिलिप सॉल्टने 56, विराट कोहलीने 12, मयंक अग्रवालने 19, रजत पाटीदारने 15 धावा केल्या. आरसीबी क्वालिफायर 1 सामन्यात पंजाब किंग्सला धूळ चारून आयपीएल 2025 च्या फायनलमध्ये पोहोचणारा पहिला संघ ठरला. आता पंजाब किंग्सला फायनलमध्ये स्थान मिळवण्यासाठी एलिमिनिटर सामन्यातील विजेत्या सोबत क्वालिफायर 2 सामन्यात विजय मिळवावा लागेल. आरसीबी यापूर्वी 2009, 2011 आणि 2016 यावर्षी सुद्धा आयपीएल फायनल खेळली होती. मात्र यात फायनल सामन्यात विजय मिळवण्यात त्यांना अपयश आलं होतं.
