टीव्हीएस इक्वे एस आणि एसटी: देशातील प्रमुख दुचाकी निर्माता कंपनी टीव्हीएस मोटर्सने भारतीय बाजारपेठेत आपल्या इलेक्ट्रिक वाहनांच्या पोर्टफोलिओत मोठी अपडेट केली आहे. कंपनीने घरगुती बाजारपेठेत आपली प्रसिद्ध इलेक्ट्रिक स्कूटर TVS iQube चं नवं अपडेटेड मॉडेल ‘S’ आणि ‘ST’ लाँच केलं आहे. या नव्या स्कूटरमध्ये कंपनीने मोठे बदल केले आहेत, ज्यामुळे स्कूटर अजून दर्जेदार झाली आहे.
TVS iQube सध्या घऱगुती बाजारपेठेत फार चांगली कामगिरी करत आहे. गेल्या काही महिन्यात या स्कूटरने सेगमेंटमध्ये आघाडीवर असणाऱ्या ओला आणि बजाज चेतकला कडवं आव्हान दिलं आहे. या नव्या अपडेटनंतर स्कूटरच्या मागणीत आणखी वाढ होण्याची शक्यता आहे.
TVS iQube च्या दोन व्हेरियंटमध्ये काय खास?
TVS iQube S ची सुरुवातीची किंमत 1.09 लाख रुपये (एक्स-शोरूम) आहे, ज्यामध्ये 5 इंचाची TFT स्क्रीन दिली जात आहे. 7 इंचाचा मोठा डिस्प्ले असलेल्या मॉडेलची किंमत 1.17 लाख रुपये (एक्स-शोरूम) आहे. स्कूटरमध्ये आता 3.3 किलोवॅट प्रति तास क्षमतेच्या बॅटरी पॅकऐवजी 3.5 किलोवॅट प्रति तास क्षमतेचा मोठा बॅटरी पॅक येतो. त्यामुळे, ही स्कूटर एका चार्जमध्ये 145 किमीची ड्रायव्हिंग रेंज देते.
TVS iQube ST मध्ये दोन बॅटरी पॅक आहेत. त्याच्या 3.5 किलोवॅट क्षमतेच्या बॅटरी पॅक आवृत्तीची किंमत 1.8 लाख रुपये आहे. 5.1 किलोवॅट क्षमतेच्या बॅटरीसह मोठ्या बॅटरी पॅक आवृत्तीची किंमत 1.59 लाख रुपये (एक्स-शोरूम) आहे. कंपनीचा दावा आहे की त्यांचा मोठा बॅटरी पॅक व्हेरियंट एका चार्जवर 212 किमी पर्यंतची रेंज देतो.
बेस व्हेरियंटमध्ये काय मिळणार?
TVS iQube च्या बेस व्हेरिएंटमध्ये, कंपनीने 2.2 kWh क्षमतेचा बॅटरी पॅक दिला आहे. हिचा टॉस स्पीड ताशी 75 किमी आहे. कंपनीचा दावा आहे की ही स्कूटर एकदा चार्ज केल्यावर 75 किमीपर्यंतची रिअल-वर्ल्ड रेंज देईल आणि तिची बॅटरी फक्त 2 तासांत 0 ते 80 टक्क्यांपर्यंत चार्ज होते. यात 5 इंचाची टीएफटी स्क्रीन, टर्न-बाय-टर्न नेव्हिगेशन आणि चोरीचा अलर्ट एस् फिचर्स आहेत. त्याची सुरुवातीची किंमत 94,434 रुपये (एक्स-शोरूम) आहे.
