सकाळी वेळेवर उठण्यासाठी तुम्हीही अलार्म लावून झोपता का? तुमचा सकाळचा अलार्म दर ५ मिनिटांनी वाजतो. जर असे असेल तर सावधगिरी बाळगा, कारण यामुळे उच्च रक्तदाबाचा धोका असतो. हृदयविकाराचा झटका आणि स्ट्रोकचा धोका देखील असतो. तज्ज्ञांच्या मते, सकाळी अलार्म लावल्याने अनेक आरोग्य समस्या उद्भवू शकतात. यामुळे, तुम्हाला दिवसभर सुस्त आणि थकवा जाणवू शकतो. सकाळच्या अलार्मचा मेंदूवरही वाईट परिणाम होतो आणि त्याचा मानसिक आरोग्यावर परिणाम होऊ शकतो. झोपेच्या चुकीच्या पद्धतीमुळे अनेक प्रकारचे धोके उद्भवू शकतात.
अलार्मचा शरीरावर काय होतो परिणाम?
यूव्हीए स्कूल ऑफ नर्सिंगच्या अलीकडील संशोधनात असे आढळून आले आहे की, जे लोक सकाळी अलार्मच्या आवाजाने जागे होतात त्यांना उच्च रक्तदाबाचा धोका जास्त असतो. यामुळे स्ट्रोक आणि हृदयरोग देखील होऊ शकतात. संशोधनानुसार, अलार्म लावून जागे होणाऱ्यांमध्ये उच्च रक्तदाबाचा धोका ७४% जास्त असतो.
हे संशोधन 32 लोकांवर करण्यात आले. या कालावधीत, सहभागींना स्मार्टवॉचसह बोटांवर रक्तदाब मोजण्याचे कफ घालण्यास भाग पाडण्यात आले. त्यांना काही दिवस अलार्मशिवाय उठण्यास सांगण्यात आले आणि काही दिवस 5 तासांच्या झोपेनंतर अलार्मने उठण्यास सांगण्यात आले. संशोधनात असे आढळून आले की, ज्या लोकांना अलार्म घड्याळाच्या आवाजाने जागे व्हावे लागले त्यांचा रक्तदाब लक्षणीयरीत्या जास्त होता.
अलार्म आणि उच्च रक्तदाब यांच्यात काय संबंध?
नर्सिंग डॉक्टरेटची विद्यार्थिनी येओन्सू किम यांना या संशोधनात असे आढळून आले की, जर झोपलेल्या व्यक्तीला जबरदस्तीने जागे केले तर त्याचा रक्तदाब वाढतो. अलार्म घड्याळ देखील असेच करते, कारण लोक त्याचा आवाज ऐकून जागे होण्याचा प्रयत्न करतात. खरं तर, अलार्म वाजल्यावर शरीराच्या प्रतिक्रियेमुळे रक्तदाब वाढतो, ज्यामुळे पहाटे स्ट्रोक आणि हृदयविकाराचा धोका वाढतो.
उच्च रक्तदाबामुळे होणाऱ्या समस्या
निद्रानाश किंवा कमी तासांची झोप
मनावर ताण वाढतो, ताण येतो.
थकवा, श्वास लागणे
मान जड होणे, नाकातून रक्त येणे
डोकेदुखी
काय करावे आणि काय करू नये
या संशोधनात असेही आढळून आले आहे की, जर तुम्ही सकाळी लवकर उठलात आणि चांगला आवाज ऐकला तर ते तुमचे आरोग्य सुधारते. संशोधनातून असे दिसून आले आहे की, अलार्मशिवाय जागे होणे आरोग्यासाठी फायदेशीर ठरू शकते. प्रत्येकाने अशी सवय अंगीकारली पाहिजे.
अलार्मशिवाय वेळेत कसे उठाल?
अलार्मशिवाय सकाळी उठण्यासाठी रात्री स्वत-च्या मनाला अफरमेशन द्या.
ही सवय तुम्ही सगल 21 दिवस लावायला हवी.
तुम्हाला सकाळी ज्या वेळेत उठायचे आहे तेव्हा जाग येईल. पण त्या पहिल्या वेळेतच उठणे गरजेचे आहे.
अलार्म स्नूझ करुन झोपण्याची सवय बंद करा.
(Disclaimer – वरील माहिती सामान्य संदर्भांवरून घेण्यात आली आहे. ‘झी २४ तास’ याची खातरजमा करत नाही. यामधून कोणत्याही प्रकारच्या उपचाराचा दावा केला गेलेला नाही. कुठलीही लक्षणं जाणवल्यास डॉक्टरांचा सल्ला घ्या.)
