कोलकाता नाइट रायडर्स (केकेआर) वि राजस्थान रॉयल्स (आरआर), आयपीएल 2025: आयपील 2025 च्या 53 वा सामना जबरदस्त रंगतदार झाल्याचं पाहायला मिळालं. कोलकाताने राजस्थान रॉयल्सला फक्ता एका धावेने पराभूत केलं. कोलकाताच्या ईडन गार्डन्स मैदानात झालेल्या या सामन्यात कोलकाताने राजस्थानसमोर 207 धावांचं आव्हान उभं केलं होतं. राजस्थान रॉयल्स संघ मात्र 8 विकेट्स गमावून 205 धावाच करु शकला. सध्याच्या आयपीएल हंगामातील कोलकाताचा हा पाचवा विजय ठरला. तर दुसरीकडे राजस्थानने 12 पैकी 9 सामने गमावले आहेत. राजस्थान संघाच्या प्लेऑफमध्ये पोहोचण्याच्या आशा आधीच संपल्या आहेत.
अखेर ओव्हरचा थरार
राजस्थान संघाला अखेरच्या ओव्हरमध्ये विजयासाठी 22 धावांची गरज होती. वैभव अरोराने या ओव्हरमध्ये शुभम ओव्हरला दोन षटकार आणि एक चौकार लगावून विजयाच्या आशा पल्लवित केल्या. अखेरच्या चेंडूवर 3 धावांची गरज असताना वैभव कमाल करेल असं वाटत होतं. पण वैभव मोठा फटका खेळू शकला नाही आणि दुसऱी धाव घेताना जोफ्रा आर्चर धावबाद झाला. राजस्थानचा कर्णधार रियान परागने तुफान फटकेबाजी करत 95 धावा केल्या,. पण त्याची खेळी वाया गेली.
कशी होती अखेरची ओव्हर –
पहिला चेंडू – 2 धावा
दुसरा चेंडू – 1 धाव
तिसरा चेंडू – 6 धावा
चौथा चेंडू – 4 धावा
पाचवा चेंडू- 6 धावा
सहावा बॉल- 1 धावा + विकेट
कोलकाताने प्रथम फलंदाजी करताना 4 गडी गमावत 206 धावांचा डोंगर उभा केला होता. नरेन स्वस्तात बाद झाल्याने कोलकाताची सुरुवात चांगली झाली नाही. गुरबाज (35), रहाणे (30) आणि रघुवंशी (44) मोठी खेळी करु शकले नाहीत. यानंतर पाचव्या क्रमांकावर रसेलला पाठवण्याचा निर्णय घेण्यात आला. रसेलने तुफान फटकेबाजी करत 57 धावा केल्या. ज्यामुळे संघाची धावसंख्या 200 च्या पुढे गेली. रसेल आणि रघुवंशीने 61 धावांची भागीदारीक केली. रिंकू सिंगने 19 धावा केल्या.
पॉईंट टेबलची काय स्थिती?
आव्हानाचा पाठलाग करताना राजस्थानला चांगली सुरुवात मिळू शकली नाही. वैभव सूर्यवंशी पहिल्याच ओव्हरमध्ये बाद झाला. पदार्पण करणाला कुणालही लवकर आऊट झाला. यशस्वी आणि कर्णधार रियानने तिसऱ्या विकेटसाठी 58 धावांची भागीदारी केली. यशस्वी 34 धावांवर बाद झाला.
मिस्ट्री स्पिनर वरुण चक्रवर्तीने ध्रुव आणि वानिंदू यांनी शून्यावर बाद करत राजस्थानला जोरदार धक्के दिले. यामुळे राजस्थानची स्थिती 71 धावांवर 5 गडी बाद झाली. रियान आणि शिमरॉन हेटमायर यांनी 92 धावांची भागीदारी करत संघाला सामन्यात परत आणलं होतं. हेटमायर 29 धावांवर बादझाला. रियान पराग मात्र एकतर्फी किल्ला लढवत होता. त्याने एका ओव्हरमध्ये सलग 5 षटकारही लगावले. पण 95 धावांवर तो बाद झाला.
