सीबीएसई बोर्डाचा निकाल 2025: केंद्रीय माध्यमिक शिक्षण मंडळ म्हणजेच CBSE च्या दहावी आणि बारावीच्या बोर्ड निकालाची विद्यार्थी आतुरतेने वाट पाहत आहेत. केंद्रीय माध्यमिक शिक्षण मंडळ लवकरच दहावी आणि बारावीचे निकाल जाहीर करणार आहे. एकदा निकाल जाहीर झाल्यानंतर उमेदवार त्यांचा निकाल पाहू शकतील. परंतु, निकाल कधी आणि कोणत्या वेळी जाहीर होईल याबद्दल कोणतीही प्राथमिक माहिती समोर आलेली नाही. मात्र, मे महिन्याच्या दुसऱ्या आठवड्यात परिक्षेचा निकाल लागू शकतो असा अंदाज सूत्रांनी वर्तवला आहे. दरम्यान, तुम्ही हा निकाल अधिकृत वेबसाइट व्यतिरिक्त कुठे पाहू शकता? जाणून घ्या सविस्तर

निकाल लागताच विद्यार्थी आपला निकाल हा अधिकृत वेबसाइट व्यतिरिक्त SMS आणि डिजिलॉकरच्या माध्यमातून देखील निकाल पाहू शकतील.

CBSE Board Result 2025: डिजिलॉकरद्वारे तुम्ही कसा पाहू शकता निकाल?

सर्वात प्रथम विद्यार्थ्यांना डिजीलॉकरच्या अधिकृत वेबसाइट किंवा अॅप उघडावे लागेल.

यानंतर तिथे साइन इन करावे लागले. जर तुमचे खाते नसेल तर प्रथम तुम्हाला खाते तयार करावे लागेल आणि नंतर साइन इन करावे लागेल.

त्यानंतर होमपेजवर सीबीएसई बोर्ड निकालाची लिंक बघायला मिळेल. त्यानंतर तुम्हाला त्या लिंकवर क्लिक करावे लागले.

क्लिक केल्यानंतर तुम्ही आवश्यक माहिती भरून सबमिट करा.

त्यानंतर तुमचा निकाल तुम्हाला दिसेल. आता निकाल सेव्ह करा आणि त्यांची प्रिंट आउट घ्या.

CBSE Board Result 2025:  तुम्ही SMS द्वारे देखील पाहू शकता निकाल

विद्यार्थ्यांना CBSE बोर्डाचे निकाल SMS द्वारेही पाहता येतील. यासाठी विद्यार्थ्यांना त्यांचा रोल नंबर एका नियुक्त क्रमांकावर पाठवावा लागेल. त्यानंतर निकाल तुमच्या फोनवर मेसेजद्वारे पाठवला जाईल.

CBSE Board Result 2025: वेबसाइटवर पाहू शकता निकाल

सर्वप्रथम विद्यार्थ्यांनी अधिकृत वेबसाइटला भेट द्यावी.

यानंतर विद्यार्थ्यांना होमपेजवरील CBSE दहावी किंवा CBSE बारावीच्या निकालाच्या लिंकवर क्लिक करावे लागेल.

यानंतर विद्यार्थ्यांना आवश्यक तपशील भरावा लागेल.

त्यानंतर विद्यार्थ्यांना त्यांचा निकाल समोर दिसेल. विद्यार्थ्यांनी हा निकाल पाहून डाउनलोड करावा. तसेच निकालाची प्रिंटआउट काढावी.