आयपीएल 2025: आयपीएल स्पर्धा सुरु झाल्यानंतर सर्वांचं लक्ष राजस्थान रॉयल्स संघात असणाऱ्या 14 वर्षीय वैभव सूर्यवंशीकडे होतं. 1 कोटीत खरेदी केलेला वैभव खरंच वेगवान आणि त्यातही जगातील सर्वोत्तम गोलंदाजांसमोर टिकेल का अशी शंका अनेकांच्या मनात होती. आयपीएलच्या पहिल्याच सामन्यात शार्दूल ठाकूरच्या गोलंदाजीवर षटकार लगावत वैभवने आपण किती उत्कृष्ट फलंदाज आहोत याची झलक दाखवली. यानंतर गुजरातविरोधातील सामन्यात 35 चेंडूत शतक ठोकत त्याने त्याच्याबाबत सुरु असलेल्या सर्व शंकांना पूर्णविराम दिला आहे. वैभव सूर्यवंशीने फक्त 100 तासात भारताचा माजी क्रिकेटर वीरेंद्र सेहवागलाही उत्तर दिलं आहे. सेहवागने मी अनेक खेळाडूंना एक, दोन सामन्यानंतर गायब होताना पाहिलं आहे असं म्हटलं होतं.
IPL 2025: ‘नशिबाने त्याला…’, 14 वर्षीय वैभव सूर्यवंशीच्या शतकावर शुभमन गिलची प्रतिक्रिया वादात; जडेजा म्हणाला ‘नुसतं टीव्हीवर…’
गुजरातविरोधातील सामन्यात वैभव सूर्यवंशीने 38 चेंडूत 101 धावा करत तुफानी खेळी केली. अनेकांनी आपण अशी खेळी कधीच पाहिलं नसल्याचंही म्हटलं. एक 14 वर्षांचा मुलगा इतक्या निर्भीडपणे समोर येणाऱ्या प्रत्येक गोलंदाजाला टोलेगंज षटकार लगावतो हे पाहणं तसं दुर्मिळच आहे.
सेहवागने वैभवबद्दल काय म्हटलं होतं?
आता वीरेंद्र सेहवाग वैभव सूर्यवंशीबद्दल काय म्हणाला होता हे जाणून घ्या. सेहवागने जे सांगितले ते वैभवच्या शतकाच्या 96 तास आधी म्हणजे 4 दिवस आधीचे होते. 24 एप्रिल रोजी राजस्थान आणि आरसीबी विरुद्ध सामना होता. या सामन्यात वैभव सूर्यवंशी लवकर आऊट झाला होता. त्यानंतर सेहवाग म्हणाला होता की, जर तो या आयपीएलमध्ये खूश असेल आणि आता तो करोडपती आहे असं त्याला वाटत असेल, त्याचे पदार्पण उत्तम झाले असेल, त्याने पहिल्याच चेंडूवर षटकार मारला असेल, तर कदाचित तो पुढच्या वर्षी खेळताना दिसणार नाही.
IPL 2025: शतक ठोकल्यानंतर सचिन तेंडुलकरच्या पोस्टला 14 वर्षीय वैभव सूर्यवंशीने दिलं उत्तर; पण X ने सस्पेंड केलं अकाऊंट, कारण…
सेहवाग पुढे म्हणाला होता की, “मी अनेक खेळाडूंना येताना जाताना पाहिलं आहे, जे एक दोन सामन्यांमुळे प्रसिद्ध होतात. पण नंतर ते काहीच करत नाहीत कारण त्यांना वाटतं की आपण स्टार झालो आहोत”. पण आता वैभवने सेहवागला गुजरातविरोधात शतक ठोकत त्याच्याच स्टाइलमध्ये उत्तर दिलं आहे.
महत्त्वाचं म्हणजे, ज्या फलंदाजीतील अपयशामुळे सेहवागला बोलण्याची संधी मिळाली होती त्याच फलंदाजीने वैभव सूर्यवंशीने त्याचं उत्तर दिलं. सचिन तेंडुलकरची टीकाकारांना उत्तर देण्याची हीच शैली होती. हे एका चांगल्या फलंदाजाचं लक्षण आहे. वैभव सूर्यवंशीने त्याच्या झंझावाती शतकाने सेहवागला आपली स्वपं, आकांक्षा लहान नसल्याचं दाखवून दिलं आहे.
