IPL 2025 मध्ये षभ पंत त्याच्या गरीब फॉर्मला अपमानित करते: इंडियन प्रिमिअर लीगच्या 18 व्या पर्वापूर्वी झालेल्या महालिलावामध्ये लखनऊ सुपर जांयट्सच्या संघाने तब्बल 27 कोटी रुपये मोजून ऋषभ पंतला संघात सहभागी करुन घेत त्याच्याकडे नेतृत्वाची धुरा सोपवली. मात्र यंदाच्या पर्वातील अर्ध्याहून अधिक सामने संपले असून पंतला आपल्या कामगिरीचा प्रभाव पाडता आलेला नाही. ऋषभ पंत फलंदाज म्हणून आणि कर्णधार म्हणूनही या स्पर्धेत सातत्याने अपयशी ठरत असल्याचं दिसत आहे. या डावखुऱ्या फलंदाजाला आतापर्यंत या स्पर्धेत फलंदाजीने छाप पाडता आलेली नाही. मुंबईविरुद्ध रविवारी वानखेडेच्या मैदानात झालेल्या सामन्यामध्येही पंत अपयशी ठरला. दुसऱ्याच चेंडूवर पंत करण शर्माला झेल देऊन तंबूत परतला.
10 सामन्यामध्ये 110 धावा
पंतला यंदाच्या पर्वामध्ये 10 सामन्यामध्ये केवळ 110 धावा करता आल्या आहेत. त्याने 12.22 च्या सरासरीने 98.21 च्या स्ट्राइक रेटने 110 धावा केल्यात. त्याने 10 सामन्यामध्ये 0,15,2,2,21,63,3,0 आणि 4 धावा केल्यात.
पंतला सुमार कामगिरीबद्दल विचारलं
मुंबईविरुद्धच्या सामन्यानंतर पंतला या पर्वातील त्याच्या सुमार कामगिरीबद्दल विचारण्यात आलं असता त्याने अगदी स्पष्ट शब्दांमध्ये आपली भूमिका मांडली. संघाच्या कामगिरीसाठी एकाच व्यक्तीला लक्ष्य करणं योग्य नसल्याचं पंतने म्हटलं आहे. क्रिकेट हा सांघिक खेळ असल्याची आठवणही त्याने करुन दिली आहे.
नक्की वाचा >> भारत-पाकिस्तान युद्ध झाल्यास सचिन, धोनीला बॉर्डवर जावं लागणार का? जाणून घ्या सविस्तर
मी असा विचार करतो की…
“मी फार सरळ मार्गाने विचार करतो जास्त विचार करायला मला आवडत नाही. सध्या सुरु असलेल्या पर्वात अनेक गोष्टी मनासारख्या घडत नाहीत. अळा वेळी तुम्ही स्वत:ला एक खेळाडू म्हणून प्रश्न विचारु लागता आणि स्वत:वर शंका घेऊ लागता. मात्र हे असं होता कामा नये. एकंदरित संघ चांगली कामगिरी करत असेल तर तुम्ही त्याचा आधी विचार केला पाहिजे,” असं पंत मुंबईविरुद्धच्या सामन्यातील पराभवानंतर म्हणाला.
नक्की वाचा >> सचिन, विराट, रोहितपेक्षा आठवीतलं पोरगं सरस! Vaibhav Suryavanshi ने मोडलेल्या विक्रमांची यादी पाहाच
एकालाच टार्गेट करणार असाल तर..
“हा सांघिक खेळ आहे. एका खेळाडूमुळे नक्कीच सामन्यावर प्रभाव पडतो. मात्र दरवेळी तुम्ही एकाच खेळाडूला लक्ष्य करणार असाल तर माझ्या मते ही योग्य गोष्ट नाही,” असं पंतने मुंबईविरुद्धचा सामना गमावल्यानंतर म्हटलं आहे.
पंतचा तो फटका पाहून कॉमेंटेटर्स थक्क
पंत मुंबई विरुद्धच्या सामन्यात रिव्हर्स स्वीप खेळताना झेलबाद झाल्याचं पाहून कॉमेंट्री करणारा माजी ऑस्ट्रेलियन क्रिकेटपटू शेन वॉट्सन आणि न्यूझीलंडचा माजी खेळाडू डॅनी मॉरिसन यांनाही पंतने अशा फटका का निवडला याबद्दल आश्चर्य वाटलं. आपल्या खेळीतील दुसऱ्याच चेंडूवर रिव्हर्स स्वीपचा प्रयत्न करताना पंत झेलबाद झाला.
