डिजी लॉकर: डिजीलॉकर भारत सरकारनं बनवलेलं एक क्लाऊड-आधारित सेवा आहे. ज्याचा वापर करून तुम्ही तुमचे महत्त्वाचे डॉक्युमेंट्स डिजिटल स्वरूपात सुरक्षितपणे ठेऊ शकता. या अॅपचा वापर करून तुम्ही तुमच्या गाडीचे डॉक्युमेंट्स, जसे की ड्रायविंग लायसन्स (डीएल) आणि रजिस्ट्रेशन सर्टिफिकेट (आरसी), डिजीलॉकरमध्ये सहज सेव्ह शकता.
डिजीलॉकरमध्ये गाडीचे डॉक्युमेंट्स कसे सेव्ह करायचे आणि त्याचे काय फायदे आहेत?
सगळ्यात महत्त्वाचं म्हणजे डिजीलॉकरमध्ये तुमच्या गाडीचे डॉक्युमेंट्स असल्यानं तुम्हाला ते हरवतील का याची चिंता व्यक्त करण्याची गरज नाही. याशिवाय तुम्हाला तुमचे ओरिजिनल डॉक्युमेंट्स नेहमी सोबत ठेवण्याची गरज नाही. तुम्ही ते तुमच्या स्मार्टफोनवर डिजीलॉकर अॅप वापरून सहज पाहू शकता आणि दाखवू शकता. याचाच अर्थ तुमचा फोन आता सगळं काम करु शकणार आहे.
1. तुमचे डॉक्युमेंट्स डिजीलॉकरमध्ये सुरक्षितपणे सेव्ह करण्यात येतात, त्यामुळे ते हरवण्याची किंवा खराब होण्याची कोणतीही भीती नाही.
2. डिजीलॉकरमध्ये सेव्ह केलेले डॉक्युमेंट्स मोटर वाहन अधिनियम, 1988 अंतर्गत वैध मानले जातात. तुम्ही ते ट्रॅफिक पोलिस किंवा इतर अधिकाऱ्यांना दाखवू शकता.
पर्यावरणपूरक सेवा असल्यानं पर्यावरणासाठी चांगला पर्याय
1. डिजीलॉकरमध्ये डॉक्युमेंट्स डिजिटल स्वरूपात सेव्ह केल्यानं कागदाचा वापर कमी केला जातो, जे पर्यावरणासाठी चांगलं आहे.
2. डिजीलॉकरमध्ये गाडीचे डॉक्युमेंट्स कसे सेव्ह करायचे?
3. सगळ्यात आधी डिजीलॉकर अकाउंट तयार करा. जर तुमच्याकडे डिजीलॉकर अकाउंट नसेल, तर तुम्ही ते डिजीलॉकरच्या वेबसाइट किंवा मोबाइल अॅपवर तयार करू शकता.
4. अकाउंटमध्ये लॉग इन करा आणि त्यानंतर एकदा तुमचं अकाउंट तयार झालं की, तुमच्या यूझरनेम आणि पासवर्डचा वापर करून लॉग इन करा.
हेही वाचा : फक्त 7.99 लाखात खरेदी करा महिंद्राची ‘ही’ SUV; सेफ्टीमध्ये नाही तोड
डॉक्युमेंट इशूअर किंवा जारी करणं हा ऑप्शन निवडा
1. ‘जारीकर्ता’ या टॅबमध्ये ‘सार्वजनिक वाहतूक आणि महामार्ग मंत्रालय’ पर्याय निवडा.
2. त्यानंतर ‘डॉक्युमेंट प्रकार’ विभागात, तुम्हाला सेव्ह असलेलं डॉक्युमेन्ट, जसं की ‘ड्रायविंग लायसन्स’ किंवा ‘रजिस्ट्रेशन सर्टिफिकेट’ निवडा.
3. डिटेल्स भरा त्यासाठी तुमचा डीएल किंवा आरसी नंबर आणि इतर आवश्यक माहिती भरा.
4. कागदपत्र मिळवा या ऑप्शनवर क्लिक करा. तुमचा कागदपत्र डिजीलॉकरवर डाउनलोड करण्यात येईल आणि अशा प्रकारे तुम्हाला आता तुमच्या फोनवर सगळे डॉक्युमेन्ट्स उपलब्ध होईल.
