माझ्यामध्ये आणि आदित्य ठाकरेंमध्ये कसले मतभेद आहेत, या बातम्या अत्यंत चुकीच्या आहेत. मी शिवसेनेमध्ये जन्मापासून आहे. पक्षात काही राज्यसभेचा खासदार होण्यासाठी मी आलो नाही, मंत्री होण्यासाठी आलो नाही. बाळासाहेबांचा विचार महाराष्ट्रात नेण्यासाठी काम करतो, मी स्वत:ला एक शिवसैनिक मानतो, असे उबाठाचे खासदार संजय राऊत यांनी म्हटले आहे. संजय राऊत म्हणाले की, एखाद्या पदाचा केव्हा तरी निरोप घ्यावा लागतो. त्यांची मानसिक तयारी आपण ठेवली पाहिजे. आम्हाला वाटले होते उद्धव ठाकरे अजून 15 वर्षे मुख्यमंत्री असावे पण तसे झाले नाही. आमच्या पक्षावर जे संकट आहे फोडाफोडीचे आमचा पक्ष वाढवण्याचे त्यासाठी आम्ही काम करणार आहोत. उद्धव ठाकरे 2019 मध्ये मुख्यमंत्री झाले तेव्हा ते आमदार नव्हते हे समजून घेतले पाहिजे. 2029 मध्ये उद्धव ठाकरे मुख्यमंत्री व्हावे, यासाठी आम्ही प्रयत्न करत आहोत. मी उबाठा कधीही सोडणार नाही. हा सर्वपक्षीय अत्याचार संजय राऊत म्हणाले की, नामवंत लोकं बुआबाजीला प्रतिष्ठा देण्याचे काम करतात. सामान्य माणूस बुआबाजीला प्रतिष्ठा देत नाही. उद्योगपती, आमदार, खासदार, सत्ताधारी, मंत्री हे लोकं त्यांना प्रतिष्ठा देतात, ते पुजा आणि अघोरी कृत्य करतात. पण यासाठी एका पक्षाला दोष देऊन काही फायदा नाही, हा सर्वपक्षीय अत्याचार आहे. भोंदू गिरी, बुआबाजीवर मी कधी बोलत नाही संजय राऊत म्हणाले की, भोंदू गिरी, बुआबाजी यावर मी कधी बोलत नाही. राज्यकर्त्यांनी अशा भोंदू बाबाच्या नादाला लागू नये असे माझे मत आहे. सध्या दिसतंय की खरातला महान बनवण्यासाठी आताच्या सरकारमधील उपमुख्यमंत्र्यांच्या पक्षातील मंत्र्यांचा वाटा आहे. जे संविधानिक पदावर आहेत त्यांनी अशा गोष्टीपासून दूर राहिले पाहिजे. आपण बाळासाहेब ठाकरेंचा फोटो वापरता त्यांनी अशा भोंदूगिरीला नेहमीच दूर ठेवले आहे, असे म्हणत शिंदेंवर निशाणा साधला. रॉकेल हे अंधभक्तासाठी तीर्थच संजय राऊत म्हणाले की, आपल्या देशाचे जे मित्र होते ते मित्र आपण गमावले आहेत. अशावेळी मोदींना राज्याच्या मुख्यमंत्र्यांना बोलावे लागत आहे. पण त्यासाठी 27 दिवस का लागले, परिस्थिती हाताबाहेर गेली आहे. देशातील सर्व राज्यातील मुख्यमंत्र्यांशी मोदी चर्चा करत आहे. दुसरीकडे जनता रॉकेलच्या रांगेत उभी आहे. या बैठकीतून काय होणार याकडे पाहावे लागेल. 3 लीटर रॉकेल हे अंधभक्तासाठी तीर्थच आहे. ते काही सरकारवर टीका करणार नाही. देशावर ही अवकाळा मोदींच्या चुकलेल्या निर्णयामुळे आली आहे. दिल्लीत एक आठवड्याचा सुद्धा साठा नाही पेट्रोल-डिझेलचा तुटवडा नाही असे मुख्यमंत्री देवेंद्र फडणवीस म्हणत आहेत यावर बोलताना संजय राऊत म्हणाले की, खरात तर जेलमध्ये आहे, पण दुसरे कोणी महाराज असतील तर सरकारचा हात दाखवून राज्यात काय सुरू आहे हे मुख्यमंत्र्यांनी समजून घेतले पाहिजे, असा उपहासात्मक टोला लगावला आहे. देशभरातील लोकं पेट्रोल-डिझेलसाठी रांगेत उभी आहेत, ही भीती मोदींनी निर्माण केली आहे. 3 लीटर रॉकेल देणार म्हणून लोकांमध्ये भीती निर्माण झाली आहे. चीन-फ्रान्ससारख्या देशात साधारण 4 महिन्याचा पेट्रोल-डिझेल साठा आहे.
आपल्याकडे दिल्लीत एक आठवड्याचा सुद्धा साठा नाही. हे जनतेला सांगू नये. केंद्र सरकारने उत्पादन शुल्क कमी केले ही चांगली गोष्ट आहे.
Source link
