रुपाली चाकणकर मामा मला वाचवा म्हणाले आणि लगेच तुम्ही पळाला का? खरात प्रकरणी मंत्री दत्ता भरणेदेखील लाभार्थी आहेत का? असा सवाल संगिता तिवारी यांनी केला आहे. तर दत्ता भरणे चाकणकरांना का क्लीन चीट देत आहेत? असा सवाल करत त्यांनी दत्ता भरणेंवर टीका केली आहे. संगिता तिवारी म्हणाल्या की, भरणे मामा म्हणताय की रुपाली चाकणकरांची चूक नाही. अहो भरणे मामा तुम्ही काय बोलता आहात? महिला आयोगाच्या रुपाली चाकणकर यांची काही चूकी नाही, अहो मामा त्यांनी मामा मला वाचवा अशी हाक देताच तुम्ही पळत त्यांना वाचवण्यासाठी धावून आलात, तुम्ही त्यामध्ये लाभार्थी आहात का? कशाला बाजू का घेत आहात? टीव्हीवर सगळे काही दाखवत असताना तुम्ही बाजू का घेत आहात? पत्रकार खोटे नाहीत ना? असे म्हणत भरणे यांच्यावर टीका केली आहे. दरम्यान या प्रकरणी बोलताना रुपाली ठोंबरे म्हणाल्या की, खरात प्रकरणाची संपूर्ण माहितीच दत्तात्रय भरणे यांच्याकडे नाही. त्यांनी काय सांगितले की मी कार्यक्रमाला जातो, तेव्हा कुणीही फोटो काढतो, नेत्यांसोबत फोटो काढता हे खरे आहे पण कुणीहरी आपल्या मंत्रीपदाच्या लेटर हेडवर पत्र देत नाही. भरणे मामांना संपूर्ण माहितीच नाही. म्हणून त्यांच्याकडून चूकून हे वक्तव्य झाले आहे असे मी म्हणेल. दत्ता भरणे काय म्हणाले? मंत्री दत्ता भरणे यांनी या प्रकरणी बोलताना म्हटले की, या प्रकरणी रुपाली चाकणकर यांचा काही दोष नाही. काही कार्यक्रमानिमित्त चाकणकरांची आणि महाराजांची भेट झाली असेल, शेवटी आपण कुणाला तरी गुरू मानतो, यात रुपाली चाकणकर यांचा काही दोष नाही. कोणासोबत फोटो काढला तर ती काय चूक आहे का? नाही ना. ‘चॉइस पोस्टिंग’साठी सरकारी अधिकारी खरातच्या दरबारात उपजिल्हाधिकारी कधी होणार? अपर जिल्हाधिकारी म्हणून प्रमोशन कधी मिळेल? किंवा पोलिस उपअधीक्षक पदावर पोस्टिंग कुठे मिळेल? एमपीएससी आणि यूपीएससी पास होऊन सनदी अधिकारी झालेले अनेक जण असे प्रश्न ज्योतिषाच्या दारात रांगा लावून विचारत असल्याची धक्कादायक माहिती समोर येत आहे. विशेष म्हणजे, या अधिकाऱ्यांना मार्गदर्शन करणाऱ्या या महिला अत्याचारी ज्योतिषी अशोक खरातला स्वतःला कधी अटक होणार, याचे मात्र साधे भविष्यही ओळखता आले नसल्याची चर्चा आता रंगली आहे. याचबरोबर या अधिकाऱ्यांनी त्यांच्याकडील पैशांची खरातच्या माध्यमातूनच जमिनींमध्ये सुमारे 100 कोटींहून अधिक गुंतवणूक केल्याची बाब उघडकीस येण्याची शक्यता आहे. दुसऱ्याचे भविष्य सांगणाऱ्या आणि अधिकारी- राजकारण्यांना स्वप्न दाखवणाऱ्या तथाकथित ज्योतिषाचे स्वतःचे भविष्य आता कोठडीत असल्याचे स्पष्ट झाले आहे. महिलांवर लैंगिक अत्याचार केल्याचा आरोप असलेल्या अशोक एकनाथ खरात याच्या काळ्या कृत्यांचा पाढा वाचला जात आहे. या भोंदूच्या मायाजालात महसूल आणि पोलिस दलातील बडे अधिकारीही अडकल्याचे उघड होत आहे. थेट मंत्रालयातून हलली सूत्रे हायप्रोफाइल बाबा अशोक खरात ऊर्फ कॅप्टनने पोलिस कोठडीत चुप्पी साधली असून रात्रभर तो गुन्हे शाखेच्या कार्यालयात जप करत स्वतःच्याच भविष्यासाठी अंकगणिताची जुळवाजुळव करत असल्याची माहिती सूत्रांनी दिली. खरातसोबत म्हाडा भूखंड घोटाळ्यातील संशयित हायप्रोफाइल मोनू मनवानी, सराईत गुन्हेगार हर्षद पाटणकर याचाही कायद्याच्या बालेकिल्ल्यात ‘पाहुणचार’ करण्यात आला. गुन्ह्याचा तपास करण्याकरता स्वतंत्र एसआयटी स्थापन करण्यात आली असून, प्रमुख तेजस्वी सातपुते यांनी खरातच्या अंकगणिताचा दोन तास क्लास घेतला.
Source link
