सकल माहेश्वरी समाजाचे महेश नवमी पर्व महानगरात शुक्रवारपासून प्रारंभ झाले आहे. यास समाजाचे महिला-पुरुष उत्स्फूर्त प्रतिसाद देत आहेत. स्थानीय माहेश्वरी भवनात उत्सवात माहेश्वरी समाज ट्रस्ट, माहेश्वरी महिला मंडळ, प्रगती मंडळ, नवयुवती मंडळ, वरिष्ठ नागरिक प्रकोष्ठ तथा वरिष्ठ नागरिक महिला प्रकोष्ठच्या वतीने विविध सांस्कृतिक व सामाजिक कार्यक्रम सुरू आहे. भवनात उत्साहाचे वातावरण निर्माण झाले आहे. शुक्रवारी सकाळी ट्रस्टचे अध्यक्ष विजयकुमार तोष्णीवाल, प्रधानमंत्री विजयकुमार राठी, उत्सव प्रमुख नरेश बियाणी, महिला मंडळ अध्यक्षा वंदना हेडा, प्रगति मंडळ अध्यक्ष सूरज काबरा, नवयुवती मंडळ अध्यक्षा नंदनी बजाज, वरिष्ठ नागरिक प्रकोष्ठ अध्यक्ष सुरेश माहेश्वरी, वरिष्ठ नागरिक महिला प्रकोष्ठ अध्यक्षा प्रमिला लाहोटी आदी पदाधिकारी व समाजाच्या नागरिकांच्या उपस्थितीत भगवान महेश यांची पूजा अर्चना व आरतीने या उत्सवाचा भक्तिभावात प्रारंभ झाला. मंडळाच्या शोभा बियाणी यांनी विजेता घोषित केला. प्रकल्प प्रमुख कृष्ण नवनीत बजाज भोपाल होत्या. संचालन आरती जाजू यांनी केले. यावेळी माहेश्वरी महिला मंडळाच्या अध्यक्ष वंदना हेडा, सचिव शोभा बियाणी, उपाध्यक्ष मंजू गट्टानी, आरती जाजू, सहसचिव सुनीता हेडा, राधा टावरी, कोषाध्यक्ष अनिता गांधी, सल्लागार हेमा खटोड, शिल्पा चांडक समवेत बहुसंख्य महिला उपस्थित होत्या. दरम्यान या दिनी देवकीबाई विजयकुमार सोमानी चॅरिटेबल ट्रस्ट, स्व. रजनीबाई रामगोपाल तोष्णीवाल ट्रस्ट व प्रेमवती प्रसन्ना पोरवाल परिवाराच्या वतीने जिल्हा महिला रुग्णालयात फळ वितरण कार्यक्रम होऊन रुग्णांना फळ वितरित करण्यात आले. सत्र समाप्ती वेळी वरिष्ठ नागरिक प्रकोष्ठच्या वतीने वादविवाद स्पर्धा संपन्न झाली. समाजातील महिला पुरुषांनी उत्सवात मोठ्या संख्येने सहभागी होण्याचे आवाहन समाज ट्रस्टचे उपाध्यक्ष शांतीलाल भाला, सहाय्यक मंत्री विनीत बियाणी, कोषाध्यक्ष देवानंद लढ्ढा, अंकेक्षक सीए मनोज चांडक, सदस्य राजेश लोहिया, प्रा. डॉ. महेश मुंदडा, पंकज मणियार, आर्कि. पवन बंग, प्रा. डॉ. रमण हेडा, कुंजबिहारी चांडक, गिरीश तोष्णीवाल, राजेश भन्साली, ॲड. विशाल लढ्ढा, प्रदीप राठी, प्रकाश चितलांगे, दिनेश लढ्ढा समवेत माहेश्वरी समाज ट्रस्ट, महिला मंडळ, प्रगती मंडळ, नवयुवती मंडळ, वरिष्ठ नागरिक प्रकोष्ठ, वरिष्ठ नागरिक महिला प्रकोष्ठचे सर्व पदाधिकारी, सदस्य उपस्थित होते. महिलांनी सादर केले नृत्य अभिनय, वक्तृत्व कला दुपारी माहेश्वरी महिला मंडळाच्या वतीने वीणा जयप्रकाश चांडक, स्व. गोदावरीबाई धनराज चांडक यांच्या स्मृतीत संपूर्ण नारी प्रतिभा स्पर्धा पार पडली. यात अनेक महिलांनी सहभागी होऊन आपल्या नृत्य अभिनय व वक्तृत्व कलेचे सादरीकरण केले. यात कीर्ती काबरा, सरिता बंग, सीमा बाहेती, शैलजा भुतडा, सुचिता मोहता, वंदना कासट, सविता गांधी, राणी टावरी, श्रद्धा मंत्री, कविता राठी, सपना पनपालिया, विभा राठी, निकिता भुतडा, अल्पा सोमाणी आदी स्पर्धकानी सहभाग घेतला. यात शैलजा भूतडा विजेता घोषित करण्यात आल्या. वंदना कासट प्रथम रनर-अप व निकिता भूतडा द्वितीय रनर-अप ठरल्या. सरिता बंग, अल्फा सोमानी यांना प्रोत्साहन पुरस्कार प्रदान करण्यात आले.
Source link
