15 फेब्रुवारीला महाशिवरात्री आहे. या सणाच्या दिवशी रात्रीच्या चार प्रहरांमध्ये शिवपूजा केली जाते. शिवरात्री पूजेचे मुहूर्त संध्याकाळी 6.20 पासून सुरू होत आहेत. जाणून घ्या पूजेसाठी आवश्यक वस्तू, पूजेची सोपी पद्धत आणि शिवरात्री का साजरी करतात, यासंबंधीच्या 2 कथा.

उद्या शिवरात्रीला महाकाल मंदिर, उज्जैनचे पुजारी शिवरात्रीची पूजा विधी सांगतील. हा व्हिडिओ पाहून तुम्ही घरी किंवा कोणत्याही शिव मंदिरात वैदिक पूजा करू शकता.

महाशिवरात्रीच्या उपवासात अन्न खाल्ले जात नाही

महाशिवरात्री हा शिवविवाहाचा नव्हे, तर शिवलिंग प्रकट झाल्याचा दिवस महाशिवरात्रीबद्दल अशी मान्यता आहे की या दिवशी शिव-पार्वतीचा विवाह झाला होता, परंतु शिवपुराणासह कोणत्याही ग्रंथात याचा उल्लेख नाही.

शिवपुराणात लिहिले आहे की, फाल्गुन महिन्याच्या शुक्ल पक्षातील चौदाव्या दिवशी म्हणजेच चतुर्दशी तिथीला पहिल्यांदा शिवलिंग प्रकट झाले होते. तेव्हा भगवान विष्णू आणि ब्रह्माजींनी शिवलिंगाची पूजा केली. याच दिवसाला शिवरात्री म्हटले गेले.

शिवपुराणाच्या ३५ व्या अध्यायात लिहिले आहे की, शिव विवाह मार्गशीर्ष महिन्याच्या कृष्ण पक्षाच्या दुसऱ्या दिवशी झाला होता. ही तिथी या वर्षी २६ नोव्हेंबर रोजी येईल.

शिवरात्रीला शिव विवाह साजरा करण्याची परंपरा कधीपासून सुरू झाली, याबद्दल लिखित माहिती नाही. काशी आणि उज्जैन येथील विद्वानांचे म्हणणे आहे की, शिवलिंगाच्या खालच्या भागात पार्वतीचेही स्थान असते. शिवरात्रीला महादेवाची पूजा रात्री केली जाते. पार्वतीशिवाय शिवपूजन अपूर्ण राहते, म्हणूनच या रात्रीला शिव-शक्ती मिलनाच्या उत्सवाच्या रूपात साजरे केले जाऊ लागले.

आता जाणून घ्या शिवरात्रीच्या कथा…

पहिली कथा – शिवपुराणातून

भगवान विष्णू आणि ब्रह्माजी यांच्यात वाद झाला. कारण होते, दोघांमध्ये श्रेष्ठ कोण? तेव्हा शिवजी लिंगाच्या रूपात प्रकट झाले. शिव म्हणाले, तुमच्या दोघांपैकी जो या लिंगाचा शेवट शोधेल, तो श्रेष्ठ असेल. अशा प्रकारे पहिल्यांदा शिवलिंग प्रकट झाले.

दुसरी कथा – गरुड पुराणातून