बीएसएफ अधिकाऱ्यांनी सांगितले की, सध्या हा केवळ एक प्रस्ताव आहे. तो लागू करण्यात आलेला नाही. यात जनावरांची व्यवस्था करण्यापासून ते सीमेजवळ राहणाऱ्या लोकांच्या सुरक्षेसारखी अनेक आव्हाने आहेत. भारत-बांगलादेश सीमेवरील दाट लोकवस्ती आणि पुराच्या परिस्थितीमुळे गावकऱ्यांसाठी धोकाही वाढू शकतो.

17 मार्च रोजी सरकारने भारत-बांगलादेश सीमेवर 3,326 किमी कुंपणाला मंजुरी दिली होती. सुमारे 371 किमी भाग अजूनही बाकी आहे. गृह मंत्रालयाच्या अहवालानुसार, जिथे कुंपण घालणे शक्य नाही, तिथे ड्रोनसारखे तांत्रिक उपाय योजले जातील.

तस्करीच्या घटना सातत्याने समोर येत आहेत

• जानेवारी 2026ः BSF च्या 32 व्या बटालियनने भारत-बांगलादेश सीमेवर, पश्चिम बंगालमधील नादिया जिल्ह्याजवळ एका सोन्याच्या तस्कराला पकडले. त्याच्याकडून सुमारे 1 कोटी रुपयांचे सोन्याचे बिस्किट जप्त करण्यात आले.
• नोव्हेंबर 2025ः BSF च्या गस्तीदरम्यान बांगलादेशी तस्कराला गोळी लागली. तस्करांनी जवानांवर देशी शस्त्रांनी हल्ला केला. नंतर तेथून 96 बाटल्या फेन्सिडिल कफ सिरप आणि 2 बाटल्या विदेशी दारू जप्त करण्यात आली.