- मराठी बातम्या
- आंतरराष्ट्रीय
- वाढत्या सार्वजनिक रागाची भीती, टेक दिग्गज सुरक्षिततेवर खर्च वाढवत आहेत …, सिलिकॉन व्हॅलीचे राजकारण, नवीन पॉलिसीमेकिंग हस्तक्षेप वाढत आहे
न्यूयॉर्क9 तासांपूर्वी
- कॉपी दुवा
जगातील सर्वात मोठ्या टेक कंपन्यांचे प्रमुख आता फक्त व्यावसायिक चेहरे राहिले नाहीत तर राजकारण, समाज आणि जनभावनांच्या थेट निशाण्यावर आहेत. यामुळे त्यांच्या वैयक्ति सुरक्षेवर खर्च अभूतपूर्व पातळीपर्यंत पोहोचला आहे. २०२४ मध्ये १० मोठ्या टेक कंपन्यांनी आपल्या सीईओंच्या सुरक्षेवर सुमारे ३६९ कोटी रुपयांहून(४५ दशलक्ष अमेरिकी डॉलर) जास्त खर्च केले.
यात सर्वात मोठा वाटा मेटाचे प्रमुख मार्क झुकेरबर्ग आणि त्यांच्या कुटुंबाच्या सुरक्षेचा राहिला. त्यावर सुमारे २२१ कोटी रुपये(२७ दशलक्ष डॉलर) खर्च झाले.आता धोका फक्त व्यावसायिक प्रतिस्पर्धी किंवा असमाधानी कर्मचाऱ्यांकडून नाही. डेटाचा दुरुपयोग, मोठ्या प्रमाणात कपात अन् अब्जावधी डॉलरची संपत्ती तसेच राजकारणात थेट हस्तक्षेपाने टेक दिग्गज सामान्य लोकांच्या निशाण्यावर आहेत.
अमेरिकी उद्योगपती इलॉन मस्क २० खासगी सुरक्षा रक्षकांसोबत चालतात आणि सुरक्षा कंपनीही स्थापन केली. पेलांटिरचे एलेक्स कार्पना इस्रायली लष्कर आणि अमेरिकी इमिग्रेशन विभागासोबत काम केल्यामुळे धमक्या मिळत आहेत. दुसरीकडे,एनव्हीडिया प्रमख जेनस हुआंगची वाढती संपत्ती व एआय राजकारणात सक्रियेतेनेही त्यांना खूप असुरक्षित केले आहे.
अमेरिकी हेल्थकेअर कंपनीच्या सीईओच्या हत्येमुळे टेक जगत हलले
- २०२४ मध्ये अमेरिकी हेल्थकेअर कंपनी यूनायटेड हेल्थकेअरचे प्रमुख ब्रायन थाॅम्सन यांची गाेळी झाडून हत्या केली. हल्लेखाेराला साेशल मीडियावर माेठ्या प्रमाणाात पाठिंबाही मिळाला. यामुळे काॅर्पाेरेटला धक्का बसला.
- २०२५ मध्ये न्यूयॉर्कच्या एका ऑफिस बिल्डिंगमध्ये झालेल्या गोळीबारात चार लोकांचा मृत्यू झाला.
- पेलांटिरच्या एलेक्स कॉर्पच्या आॅफिसवर हल्ला झाला आणि त्यांना जीवे मारण्याच्या धमकीचे फोन येत आहेत.
संस्था अंगरक्षक नव्हे तर सोशल मीडिया इंटेलिजन्सची सेवाही देताहेत
सुरक्षा धोका आता फक्त शस्त्रसज्ज हल्ल्यांपर्यंत मर्यादीत नाहीत. सायबर हल्ले, घरात घुसखोरी आणि डीफेक तंत्रज्ञानाने सुरक्षेचे नवे आयाम उघडले आहेत. सुरक्षा संस्था आता फक्त अंगरक्षकापर्यंत मर्यादीत नाहीत. ते सायबर सुरक्षा, डिजिटल मॉनिटरिंग आणि सोशल मीडिया इंटलिजन्ससारख्या सेवाही देतात. एआय आधारित डीपफेक व्हॉइसचा वापर करून कंपन्यांकडून बनावट आर्थिक व्यवहार करण्याच्या घटना वाढत आहेत.
मस्क यांनी सुरक्षा कंपनी स्थापन केली, २० गार्डसोबत चालतात
- मेटाने २०२४ मध्ये झुकेरबर्ग आणि त्यांच्या कुटुंबाच्या सुरक्षेवर २२१ कोटी रु. खर्च झाले. त्यात कॅलिफोर्नियाच्या पॅलो आल्टो स्थित निवासस्थान, प्रवास सुरक्षेचा समावेश.
- टेस्ला आणि स्पेसएक्सचे मालक मस्कवरील खर्चाचा आकडा सार्वजनिक नाही. मात्र, २०२३ मध्ये टेस्लाने त्यांच्या सुरक्षेवर २१ कोटी रु. खर्च केले. मस्क आता स्वत:च्या फाउंडेशन सेक्युरिटी कंपनीद्वारे सुरक्षा व्यवस्था करत आहेत आणि २० बॉडीगार्ड्‌ससोबत चालतात.
- ॲमेझॉन दरवर्षी जेफ बेजोसच्या सुरक्षेवर सुमारे १३ कोटी रु. खर्च करतात. विद्यमान सीईओ अँड्री जासीवरही कंपनीचे सुरक्षा बजेट दरवर्षी वाढत आहे.
- एनव्हीडियाने २०२४ मध्ये हुआंगच्या सुरक्षेवर २९ कोटी रु. खर्च केले. त्यांची १३.३६ लाख कोटींची संपत्ती आणि एआय पॉलिसीत थेट भूमिकेने धोका वाढवला आहे.
- जेपी माॅर्गनचे सीईओ जेमी डाइमोनच्या सुरक्षेवर २०२४ मध्ये ७.२ कोटी रु.खर्च झाले. या सर्व आकड्यांतून स्पष्ट होते की, सुरक्षा आता कंपन्यांचा कायम खर्च झाला आहे.
