अंमलबजावणी संचालनालयाने (ईडीने) कंबोडियातून चालवल्या जाणाऱ्या एका आंतरराष्ट्रीय सायबर फसवणूक नेटवर्कविरुद्ध मोठी कारवाई करत राजस्थान आणि पंजाबमध्ये मोठ्या प्रमाणावर छापे टाकले आहेत. तपासात उघड झाले आहे की, हजारो भारतीय सिम कार्ड बनावट पद्धतीने सक्रिय करून परदेशी नेटवर्कपर्यंत पोहोचवले जात होते, ज्यांचा वापर भारतात मोठ्या प्रमाणावर सायबर फसवणुकीसाठी केला जात होता.

तपासादरम्यान एजन्सीने सुमारे 2.3 लाख संशयास्पद मोबाईल नंबरचे विश्लेषण केले. यात धक्कादायक तथ्य समोर आले की, जवळपास 36 हजार भारतीय सिम कार्ड कंबोडियामध्ये सक्रिय होते. यापैकी सुमारे 5,300 सिम कार्ड थेट भारतात सायबर फसवणुकीच्या प्रकरणांमध्ये वापरले गेले. तपास यंत्रणांनुसार, या नंबरद्वारे देशभरात शेकडो कोटी रुपयांची फसवणूक करण्यात आली.

ईडीने ही कारवाई मनी लाँड्रिंग प्रतिबंधक कायदा (पीएमएलए) अंतर्गत जोधपूर सायबर पोलीस ठाण्यात दाखल केलेल्या एफआयआरच्या आधारे सुरू केली. ५ जून रोजी सुरू झालेल्या या कारवाईअंतर्गत राजस्थानमधील किशनगड, नागौर आणि जोधपूर तसेच पंजाबमधील लुधियाना येथे एकूण सात ठिकाणी शोधमोहीम राबवण्यात आली. छापेमारीदरम्यान ईडीने मोठ्या प्रमाणात कागदपत्रे, डिजिटल पुरावे, इलेक्ट्रॉनिक उपकरणे आणि १४ मोबाईल फोन जप्त केले आहेत.

मलेशियन नागरिकांद्वारे सिम पाठवले जात होते