येथील महात्मा गांधी महाविद्यालयात अद्ययावत भूकंप वेधशाळा यंत्रणेची सुविधा उपलब्ध केली असून, भूगोल विभागातील या सुसज्ज भूकंप वेधशाळेमध्ये दि. ११ फेब्रुवारी राजी दुपारी ३.२० वाजता ३.०० रिश्टर स्केलचा भूकंप झाल्याची नोंद दिसून आली आहे. सदरील इमेजमध्ये ए.एच.एम.डी- १२३ नांदेड जिल्ह्यातील मुखेड तालुक्यातील खपराळ हे गाव भूकंपाचे केंद्र असल्याचे दिसून आले आहे. तसेच या भूकंपाची खोली १० किलोमीटर असल्याचे दिसत आहे. मुखेड तालुक्यातील खपराळ, हिब्बट, धनज, जामखेड, चोंडी अशा अनेक ठिकाणी या भूकंपाचे धक्के बसल्याचे दिसून आले आहे. सदरील भूकंप वेधशाळेतील भूकंप यंत्रणेवरील नोंद पाहण्यासाठी विचार विकास मंडळाचे अध्यक्ष अँड किशनराव बेंडकुळे, महाविद्यालयाचे प्राचार्य प्रो. डॉ. व्ही. पी. पवार, भूगोल विभागाचे प्रमुख प्रो. डॉ. नितीन देशमुख, प्रसिद्धी प्रमुख डॉ यादव सूर्यवंशी, डॉ. राजेश जोंधळे, कार्यालयीन अधीक्षक श्री. विशाल करंजे आदी उपस्थित होते. या यंत्रणेमुळे अहमदपूर परिसरातील लोकांना सदरील वेधशाळेचा उपयोग होणार आहे. ही वेधशाळा आणण्यासाठी महात्मा गांधी महाविद्यालयाचे भूगोल विभागाचे विभाग प्रमुख डॉ नितीन देशमुख यांनी प्रयत्न केल्यामुळे आणि ते भूकंपाचे अद्ययावत यंत्र या महाविद्यालयात आणले असल्यामुळे डॉ. नितीन देशमुख यांचे सर्व मंडळाच्या वतीने व प्राचार्यांच्या वतीने कौतुक केले जात आहे.
Source link
