जिल्हा परिषद, पंचायत समिती निवडणुकीच्या पार्श्वभूमीवर तिकीट वाटपावरून काँग्रेस कार्यकर्त्यांत गटबाजी दिसून आली. पक्षाकडून तिकीट देण्यात निष्ठावंत कार्यकर्त्यांवर अन्याय झाल्याचा आरोप करत काही जणांनी खासदार डॉ.कल्याण काळे यांच्या फुलंब्रीतील कार्यालयात बुधवारी गोंधळ घातला. कार्यालयातील खुर्च्या उचलून नेत्यांवर फेकण्याचा प्रयत्न केला. या वेळी खासदार डॉ.काळे कार्यालयात नव्हते. खासदार डॉ. काळे यांचे बंधू जगन्नाथ काळे यांना कार्यकर्त्यांच्या रोषाला सामोरे जावे लागले. आज अर्ज भरण्याच्या शेवटच्या दिवशी नऊही तालुक्यांमध्ये इच्छुकांची एकच गर्दी उसळली. अर्ज भरण्याची वेळ दुपारी ३ वाजेपर्यंत होती. मात्र, जवळपास सर्वच पक्षांच्या उमेदवारांना शेवटच्या तासांत एबी फॉर्म दिल्यामुळे दोन वाजेनंतर निवडणूक कार्यालयात एकच गर्दी उसळली. आज अर्जांची छाननी प्राप्त उमेदवारी अर्जांची छाननी गुरुवारी (२२ जानेवारी) होईल. त्यानंतर लगेच वैध नामनिर्देशित उमेदवारांची यादी प्रसिद्ध होईल. अर्ज मागे घेण्यासाठी २७ जानेवारीची मुदत आहे. २७ जानेवारी रोजी निवडणूक लढवणाऱ्या उमेदवारांची अंतिम यादी व चिन्ह वाटप होणार आहे. तर, जि. प. व पं. स.साठी ५ फेब्रुवारी रोजी मतदान होऊन ७ फेब्रुवारी रोजी मतमोजणी होणार आहे.
Source link
