Pahalgam Terror Attack: कर्नाटकातील शिवमोगा येथील मंजुनाथ यांचा काश्मीरमधील पहलगाम येथे झालेल्या दहशतवादी हल्ल्यात मृत्यू झाला. त्यांची पत्नी पल्लवी यांच्या डोळ्यांसमोर त्यांना गोळ्या घालून ठार करण्यात आलं. त्यांनी मृतदेह तातडीने विमानाने नेण्यात यावा अशी विनंती केली आहे. मिळालेल्या माहितीनुसार, मंजुनाथ त्यांची पत्नी पल्लवी आणि त्यांच्या लहान मुलासह खोऱ्यात सुट्टीचा आनंद घालवण्यासाठी गेले होते.
दरम्यान हल्ल्याआधी मंजुनथ पत्नी पल्लवीसह बोटिंगचा आनंद घेतानाचा एक व्हिडीओ सोशल मीडियावर व्हायरल झाला आहे. या व्हिडीओत ते सांगत आहेत की, “मी मंजुनाथ, कर्नाटकच्या शिवमोगा येथून आहे. आम्ही इंडियन ट्रॅव्हल्स टूरमधून बुकिंग करत काश्मीर फिरण्यासाठी आलो आहोत. आज आमचा काश्मीर टूरचा दुसरा दिवस आहे. काल आम्ही बोट हाऊसमध्ये थांबलो होतो. आता आम्ही शिकारा राईड करत आहे. मोहम्मद रफीक यांनी हे आयोजित केलं आहे. काजोल ठाकूरने ही सर्व टूर आयोजित केली आहे. खूप चांगली सर्व्हिस आहे”.
दरम्यान पल्लवी यांनी हल्ला झाला तेव्हा नेमकं काय झालं हे ‘इंडिया टुडे’ शी संवाद साधताना सांगितलं आहे. “आम्ही तिघे मी, माझा नवरा आणि आमचा मुलगा काश्मीरला गेलो होतो. दुपारी 1.30 च्या सुमारास हे घडलं. आम्ही पहलगाम येथे होतो. माझ्या डोळ्यांसमोर त्यांचा जागीच मृत्यू झाला,” असं त्यांनी सांगितलं. “ते अजूनही वाईट स्वप्नासारखे वाटत आहे,” असा आक्रोशही त्यांनी मांडलं. हल्ल्यानंतर लगेचच स्थानिक नागरिक तिच्या मदतीला आले. तीन स्थानिक लोकांनी मला वाचवले असंही त्यांनी सांगितलं.
मंजुनाथला कन्नडिगा असल्यामुळे नव्हे तर त्याला हिंदी माहित नसल्यामुळे नव्हे तर फक्त तो हिंदू आहे म्हणून ठार झाला. !!! #Pahalgampic.twitter.com/kptl5hccis
– चंद्र (@chandra4bharat) 22 एप्रिल, 2025
हल्लेखोर हिंदूंना लक्ष्य करत असल्याचं दिसत होतं असंही त्यांनी सांगितलं. “तीन ते चार लोकांनी आमच्यावर हल्ला केला. मी त्यांना म्हटलं, मलाही मारून टाका, तुम्ही माझ्या नवऱ्याला आधीच मारले आहे. त्यापैकी एक म्हणाला, मी तुला मारणार नाही. हे मोदीला सांगा”.
नवविवाहित हनिमूनमध्ये भयपटात रुपांतर झाले #Pahalgam मुस्लिम नसल्याबद्दल दहशतवाद्यांनी तिच्या नव husband ्याला गोळ्या घातल्या. त्यांनी त्याचे नाव विचारले, त्यानंतर जातीने त्याला काश्मीरमध्ये पॉईंट रिक्त ठार केले. तिचे आयुष्य कायमचे विखुरले.#काश्मीर #UPSC pic.twitter.com/4S1oyadsie
– विद्रोह_वॅरियर्स (@rebel_warriors) 22 एप्रिल, 2025
त्यांनी अधिकाऱ्यांना पतीचा मृतदेह लवकरात लवकर शिवमोगा येथे परत नेण्यात यावा अशी विनंती केली आहे. “मृतदेह सहजासहजी खाली आणता येणार नाही. तो एअरलिफ्ट करायला हवा. तो ताबडतोब परत आणावा अशी आमची इच्छा आहे,” असं त्यांनी सांगितलं आहे.
कर्नाटकचे मुख्यमंत्री सिद्धरामय्या यांनी एक्सवरील पोस्टमध्ये हल्ल्याचा निषेध केला. “या धक्कादायक घटनेतील बळींमध्ये कन्नडवासी देखील आहेत. ही बातमी मिळताच मी एक आपत्कालीन बैठक बोलावली आणि मुख्य सचिव आणि वरिष्ठ पोलिस अधिकाऱ्यांसह परिस्थितीचा आढावा घेतला. मी दिल्लीतील निवासी आयुक्तांशीही बोललो आहे,” असं त्यांनी सांगितलं आहे.
